Evini su basanlar nə etsinlər? - Bunlar çox vacibdir

Bu isə artıq təsadüfi hal yox, tikinti zamanı buraxılan ciddi səhvlərin nəticəsi kimi qiymətləndirilir. Vaxtilə bataqlıq və ya yeraltı suların yüksək olduğu ərazilərdə tikilən evlərdə mühəndislik həlləri nəzərə alınmadıqda bu cür problemlər qaçılmaz olur.

Su basması yalnız müvəqqəti narahatlıq deyil, onun həm binaya, həm də insan sağlamlığına uzunmüddətli təsirləri var.

Bakupost.az həmin təsirləri və problemlərin aradan qalırma yollarını təqdim edir:

Divarların və təməl hissənin suya məruz qalması betonun və digər tikinti materiallarının möhkəmliyini azaldır. Uzun müddətdə bu, çatlara, çökməyə və hətta qəzalı vəziyyətə gətirib çıxara bilər.

Zirzəmilərdə və divarlarda yaranan rütubət kif və göbələk üçün ideal mühit yaradır. Bu isə evdə yaşayanların sağlamlığı üçün ciddi riskdir.

Su elektrik xətləri ilə təmasda olduqda qısaqapanma, yanğın və ya insan həyatı üçün təhlükəli hallar yarana bilər.

Mebel, məişət texnikası, saxlanılan ərzaq və digər əşyalar yararsız hala düşür.

Su basmış mühit təkcə maddi deyil, həm də tibbi risklər yaradır:

• Kif sporları allergiya və tənəffüs xəstəliklərini (astma, bronxit) artırır;

• Çirkli su infeksiya mənbəyi ola bilər;

• Rütubətli mühitdə bakteriyalar sürətlə çoxalır;

• Uşaqlar və yaşlılar daha çox risk altındadır;

Ekspertlər bildirir ki, su basmış evlərdə ən vacib məsələ operativ və düzgün müdaxilədir:

Nasoslar vasitəsilə zirzəmidə və həyətlərdə yığılan su tez bir zamanda çəkilməlidir.

Evin daxilində rütubət minimuma endirilməlidir. Bunun üçün:

• pəncərələr açılmalı;

• ventilyasiya sistemi işlədilməli;

• xüsusi quruducu cihazlardan istifadə olunmalıdır;

Su basmış sahələr antiseptik vasitələrlə təmizlənməlidir ki, bakteriya və kif yayılmasın.

Mütləq şəkildə mütəxəssis tərəfindən elektrik xətləri yoxlanılmalıdır. Özbaşına müdaxilə təhlükəlidir.

İslanmış parket, gips, izolyasiya materialları dəyişdirilməlidir. Əks halda rütubət qalıcı problemə çevriləcək.