Sumqayıtda ağır qəza - 1 ölü, 4 yaralı

  • 22 Yan 2020 08:59
  • 6944 Baxış
Sumqayıtda ağır qəza -  1 ölü, 4 yaralı


Bakı-Sumqayıt yolunda mikroavtobus yolun kənarındakı dirəyə çırpılıb.

Trend-in məlumatına görə, hadisə səhər saatlarında qeydə alınıb.


Sumqayıtdan Bakı istiqamətinə hərəkətdə olan "Mercedes Sprinter" markalı 10 ND 312 dövlət nömrə nişanlı sərnişin mikroavtobusu idarəetməni itirərək yolun kənarındakı dirəyə çırpılıb və yolun qarşı hərəkət istiqamətinə keçib.

Hadisə yerinə yol polisi və təcili tibbi yardım briqadaları cəlb olunub.

Qəza nəticəsində 1 nəfər ölüb, 4 nəfər yaralanıb.

TƏBİB-dən verilən məlumata görə, hadisə mikroavtobusun piyadanı vurması nəticəsində baş verib.

Piyadanı vuran mikroavtobus idarəetməni itirərək yolun kənarındakı dirəyə çırpılıb.