Tiktoker "Roşka"nın tələbi yenə rədd edildi

Bakupost.az Lent.az -a istinadla xəbər verir ki, hakim Roman Ələkbərlinin sədrliyi ilə keçirilən prosesdə təqsirləndirilən tiktoker işinə yenidən baxılmasını və ədalətli qərar verməsini məhkəmədən istəyib.

Daha sonra sənədlərin tədqiqi mərhələsi elan olunub. Cinayət işinə əlavə edilmiş videogöruntülərə baxış keçirilib. Təqsirləndirilən şəxsin vəkili müvəkkilinin ev dustaqlığına buraxılması ilə bağlı yenidən vəsatət təqdim etsə də, məhkəmə onu təmin etməyib.

Məhkəmə vaxt məhdudiyyətindən sənədlərin tədqiqinin dekabrın 16-da keçiriləcəyini elan edib.

Xatırladaq ki, "Roşka" ləqəbli tiktoker Rövşən Süleymanov bu ilin yanvar ayında canlı yayımlarda əxlaqsızlığın təbliğinə qarşı polisin keçirdiyi əməliyyat tədbirləri nəticəsində saxlanılıb. Nəsimi Rayon Məhkəməsinin qərarı ilə onun barəsində həbs qətimkan tədbiri seçilib.

Onun barəsində Cinayət Məcəlləsinin 234.1-1-ci (Satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma, külli miqdarda törədildikdə) maddəsi ilə ittiham irəli sürülüb.