Ru
20:31 / 29 Noyabr 2025

Türkiyə açıqladı: Qara dənizdə tanker partlayışlarının səbəbi...

Türkiyə açıqladı: Qara dənizdə tanker partlayışlarının səbəbi...
Eye

Rusiyanın sanksiyalardan yayınan “kölgə donanmasının” bir hissəsi olduğu güman edilən iki neft tankeri Qara dənizin Türkiyə sahillərində, ehtimal ki, minalar, pilotsuz təyyarələr və ya raketlərlə partladılıb.

Bakupost.az xəbər verir ki, bunu Türkiyənin Nəqliyyat və İnfrastruktur naziri Əbdülkadir Uraloğlu bildirib.

Cümə günü axşam saatlarında “Kairos” və “Virat” tankerləri bir-birinin ardınca partladılıb və xilasetmə əməliyyatlarına başlanılıb. Hər iki gəminin ekipaj üzvlərinin təhlükəsiz vəziyyətdə olduğu bildirilir.

Xilasetmə xidmətləri ilkin olaraq “Kairos” gəmisinin minaya düşə biləcəyi barədə məlumat alıb, daha sonra “Virat” tankerinin partlaması barədə məlumat verilib.

“Bizim ekipajlarımız partlayışların başqa gəmidə baş verdiyini və bunun da xarici müdaxilə nəticəsində baş verdiyini göstərib. Xarici müdaxilə dedikdə ağıla ilk gələn mina, raket, dəniz gəmisi və ya pilotsuz təyyarədir. Bu məsələ ilə bağlı dəqiq məlumatımız yoxdur", - türkiyəli nazir əlavə edib.

Daha sonra o, jurnalistlərə deyib ki, “Virat” tankerinin kapitanı “dron hücumu” ilə bağlı qəza siqnalı göndərib.

O bildirib ki, hadisələr Türkiyənin müstəsna iqtisadi zonasında baş verib. Uraloğlu qeyd edib ki, Türkiyə rəsmiləri təkrarlanmaması və gəmiçilik təhlükəsizliyini təmin etmək üçün həmkarları ilə əlaqə saxlayır.

Şərhlər
Captcha
Facebook
Bizi facebook-da izləyin
Tiktok
Bizi tiktok-da izləyin
Youtube
Bizi youtube-da izləyin
Son xəbərlər
Çox oxunanlar