Ürəyi xəstə olanlar qəhvə əvəzinə bunu içsin

Bakupost.az Medicina.az-a istinadən xəbər verir ki, diyetoloq Natalya Denisovanın sözlərinə görə, gündəlik maksimum qəhvə dozası dörd fincandır, lakin bəzi insanlar hətta daha az miqdarda olsa belə kofeinə güclü reaksiya verir:

"Bu qədər böyük dozada kofeinə yaxşı reaksiya verməyən insanlar var. Onlar ürək döyüntüsünün artması, baş ağrıları və hətta qan təzyiqinin qısamüddətli artması ilə qarşılaşa bilərlər".

Qəhvə içdikdən sonra narahatlıq yaşayanlar üçün Natalya Denisova Çikoriy (kasnı) sınamağı tövsiyə edib. Kasni qəhvəyə bənzər dada malikdir, lakin kofein kimi həddindən artıq stimullaşdırıcı təsir göstərmir. Mütəxəssisin sözlərinə görə, kasniya qan təzyiqinin yüksəlməsinə səbəb olmur:

"Kasni qan şəkəri səviyyəsinə çox müsbət təsir göstərən və diabet xəstələri üçün uyğun olan polisaxarid inulini ehtiva edir".

Qəhvə həvəskarlarına mütəxəssis yalnız təbii qəhvə içməyi məsləhət görüb. Denisova hazır qəhvənin demək olar ki, heç bir antioksidant ehtiva etmədiyini bildirib.