Televiziya verilişlərində az-az görünən Əməkdar artist Sevda Ələkbərzadə bunun səbəblərini açıqlayıb.
BakuPost xəbər verir ki, Əməkdar artist bu barədə Murad Arifin “Popumuz var” “YouTube” layihəsində açıqlama verib.
Aparıcının televiziya verilişlərində az-az görünməsiylə bağlı sualına S. Ələkbərzadə belə cavab verib: "Yaxşı verilişlər azdır. İntelekti olan aparıcılar olsa, çıxacam efirə. Qonaqla bağlı məlumatın, musiqidən anlayışın yoxdursa, niyə mən verilişinə gəlim? Hamı məni verilişə dəvət edirlər. Sonra məndən küsüb, pisləyənlər də var. Verilişinə getmədiyim üçün baxıram məni pisləyirlər. Kimsə özünə şou düzəldib, reytinq edəcək, mən niyə gedim?"