Elm adamları şokda - Dünyanın ikinci "Ay"ı peyda oldu

BakuPost.az dünya mediasına istinadən xəbər verir ki, beləliklə, planetimizin yeganə peyki ünvanına sahib Ay bu titulunu itirə bilər. Çünki elm adamları Yerin orbitində yeni bir peyk kəşf ediblər.

ABŞ-ın Arizona əyalətindəki Catalina Sky Survey işçiləri yeni peykin təxminən avtomobil böyüklüyündə olduğunu bildiriblər.

New Scientist-in xəbərinə görə, peykin ölçüsü 1,9 ilə 3.5 metr arasında dəyişkənlik göstərir və Yer kürəsini 47 gün ərzində fırlanır.

  

Smitson Astrofizika Rəsədxanasının Kiçik Planet Mərkəzi məsələ ilə bağlı açıqlamasında, "Orbitlər bu göy cisminin müvəqqəti olaraq Yerin cazibə qüvvəsinə bağlandığını göstərir. Günəş radiasiyasının təzyiqindən yaranan yayınma qeydə alınmayıb və bilinən hər hansı süni cisimlə əlaqəsi aşkarlanmayıb".

"Bu obyekt Yer planeti ilə eyni sürətdə hərəkət edir. Bu səbəbdən də müvəqqəti orbitə sahib olub. Asteroid bir neçə il ərzində planetimizin ətrafında fırlana bilər", - deyə alimlər qeyd edib.