33 il aradan sonra “tarixi imkan” adlandırılan görüş aprelin 14-də Vaşinqtonda İsrail və Livan arasında baş tutdu.
Bakupost.az xəbər verir ki, 2 saatlıq danışıqlarda İsrail və Livan “Hizbullah”ın tam tərksilah olunması ilə bağlı razılığa gələrək, eyni zamanda İranın Livanın gələcəyinə təsirinin məhdudlaşdırılması məsələsini müzakirə ediblər.
Həmçinin, Livanda köçkünlərə yardım məqsədilə ABŞ tərəfindən 58,8 milyon dollarlıq humanitar paket təsdiqlənib. Görüşdən öncə ABŞ Livanın paytaxtının hərbi hücumlardan qorunacağına dair xüsusi təhlükəsizlik zəmanəti verib. Eləcə də rəsmi Beyrut danışıqların yalnız dövlət qurumları səviyyəsində aparılmasını tələb edir və müstəqil oyunçu kimi çıxış etməkdə israrlıdır.