"ABŞ-nin yardımı müharibəni uzadacaq” - Açıqlama

Qeyd edək ki, qanun layihəsi aprelin 20-də ABŞ Konqresinin Nümayəndələr Palatası tərəfindən təsdiqlənib. Paketin həcmi 95 milyard dollar təşkil edir. Bura Ukrayna üçün 61 milyard dollar, İsrail üçün 26 milyard dollar, həmçinin Qəzza zolağı da daxil olmaqla, münaqişə zonalarında mülki insanlara humanitar yardım göstərmək üçün vəsait daxildir. Həmçinin ABŞ Senatı Tayvana yardım paketini təsdiqləyib.

“ABŞ Ukraynaya yardım etməklə həm müharibənin vaxtını uzadır, həm Rusiyaya qarşı qətiyyətli olduğunu bildirir. Digər tərəfdən, Avropa İttifaqı ilə həmrəyliyini gücləndirir. Rusiya tərəfi aldığı zərbələrdən nəticə çıxarır, buna uyğun tədbirlər həyata keçirir. Rusiya həm siyasi, həm də hərbi seqmentdə öz gücünü səfərbər edib. Önəmli məqam bundan ibarətdir ki, Ukraynaya silahlar çox ehtiyatla verilir”.

“Hərbi münaqişə ərəfəsində Rusiyanın həm insan resursları, həm də hərbi texnika baxımından üstünlüyü hiss olunurdu. Keçən dövr ərzində itkilər artdı. İndi elə bir vəziyyət yaranıb ki, müharibə aparan hər iki dövlətin insan resurslarına ehtiyacı var. Bu hal Ukraynada özünü daha qabarıq şəkildə büruzə verir. Müharibənin ilkin dövründə muzdlular, xaricdən cəlb edilən könüllülər müəyyən qədər fərqi qapada bilirdisə, indi itkilər geniş vüsət alıb. Ona görə də orta yaşdan yuxarı vətəndaşların da orduya cəlb ediləcəyini istisna etmək olmaz. Baş verənlər onu göstərir ki, münaqişə qısa müddət ərzində bitməyəcək”.