Ru
14:30 / 01 Aprel 2024

Bakı məhkəmə iddialarına görə “qənimətləri” legitimləşdirə bilmir - Saakyan

908
"Ermənistanın Azərbaycana qarşı iddiaları Bakıya hərbi cinayətlər törətdikdən sonra “qənimətlərini” qanuniləşdirməyə imkan vermir".

Bakupost.az "Sputnik Armeniya"ya istinadla xəbər verir ki, bu iddia ilə Beynəlxalq və Müqayisəli Hüquq Mərkəzinin sədri Siranuş Saakyan mətbuat konfransında bildirib.

Onun iddiasına görə, Artsax, Ermənistan və erməni xalqı "çoxsaylı hüquq pozuntuları ilə müşayiət olunan təcavüzə məruz qalıb". Guya bu "təcavüzlər" o qədər ağırdır ki, beynəlxalq cinayətlər kimi qiymətləndirilir.

Saakyan bildirib ki, İrəvan hərbi-siyasi cəhətdən bütün bunların qarşısını ala bilməyib və bu gün Ermənistanın əraziləri işğal olunub.

Onun sözlərinə görə, aydındır ki, diplomatik, hərbi və siyasi səylər kifayət etməsə də, hüquqi mexanizmlər müəyyən rol oynaya bilər.

"Hazırda bu proseslər gedir və müsbət nəticələr var. Bəli, yekun məhkəmə aktları qəbul edilməyib, lakin biz buna yaxınlaşırıq. Digər tərəfdən, mühüm problemlərin qeydə alındığı yerlərdə müvəqqəti tədbirlər görülüb.

Xüsusilə, söhbət Laçın dəhlizinin qanunsuz blokadasından, Azərbaycan tərəfindən təkcə erməni əhalisinə deyil, həm də mədəniyyət abidələrinə qarşı irqi ayrı-seçkiliyin olmasından gedir".

Saakyan iddia edib ki, guya Azərbaycan məhkəmələrin və hüquqi müddəaların gedişatı geri döndərə biləcəyini, "qənimətləri"nin legitimliyinə mane ola biləcəyini anlayaraq, dövlətlərarası iddialardan əl çəkməsi üçün Ermənistan hakimiyyətinə təzyiqlər etməyə başlayıb.

"Azərbaycanın Ermənistana qarşı iddialardan paralel şəkildə imtina edəcəyi iddiası arqument sayıla bilməz, çünki vəziyyət simmetrik deyil. Qarşılıqlı təcavüz, qarşılıqlı etnik təmizləmə yoxdur, tərəflər eyni vəziyyətdə deyil.

Bundan əlavə, yalnız dövlət bəzi orqanlara, məsələn, Beynəlxalq Ədalət Məhkəməsinə müraciət edə bilər. Fərdlər irqi ayrı-seçkiliklə bağlı şikayət verə bilməzlər.

Üstəlik, Beynəlxalq Ədalət Məhkəməsinin qərarları təkcə hüquqi qüvvəyə malik deyil, həm də ciddi siyasi təzyiq yarada bilər", - Saakyan bildirib.

Qeyd edək ki, bundan əvvəl Ermənistanın baş naziri Nikol Paşinyan Azərbaycana qarşı beynəlxalq iddialardan imtinanın şərtlərini açıqlayıb.

Zaur
BakuPost
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin






Son xəbərlər
Çox oxunanlar
Son xəbərlər