Bakının mərkəzində sürücü yol qaydalarını kobud şəkildə pozub.
Bakupost.az xəbər verir ki, bu barədə sosial şəbəkələrdə görüntülər yayılıb.
Videoda 90 ED 717 nömrəli, “Volkswagen Touareg” markalı avtomobili idarə edən gəncin maşını Neftçilər metrosundan Xətaiyə qədər “arxa-arxaya” sürdüyü əks olunub.
Görüntüdən də aydın olur ki, sürücü ətrafda olanların həyatını ciddi şəkildə təhlükəyə atıb. Məlumata görə, maşını idarə edən şəxs tələbə imiş.
DİN-in Mətbuat xidmətinin şöbə müdiri, polis polkovnik-leytenantı Elşad Hacıyev bildirib ki, tələbə avtomobillə yolun əks istiqamətinə doğru hərəkət edib:
"Şəxs təəssüf ki belə saxlanılaraq məsuliyyətə cəlb edilib".
Həmin anlar sosial şəbəkədə də geniş yayılıb. İnsanlar onun bu hərəkətini tənqid ediblər.
Elnur
BakuPost