"Bu, vicdansızlıq və ləyaqətsizlik nümunəsidir" - Açıqlama

"Artıq Fransanın özündə belə sağlam məntiqə malik siyasətçilər Makronu müxtəlif formalarda, amma çox sərt tənqid və təhqir edirlər. Bu gün Ukraynada baş verən fəlakət, xalqın başına gətirilən müsibətlər məhz Makron kimi siyasətçilərin populist çıxışlarından sonra mümkün oldu. Fransa hazırda Ukrayna müharibəsinin başa çatması üçün heç bir fəaliyyət göstərmir, əksinə, Rusiyanı qıcıqlandırmaq, Ukraynaya isə cüzi silahlar verməklə məşğuldur. Silahların verilməsi də kifayət qədər ləng rejimdə həyata keçirilir. Fransa daha əvvəl də öz qoşunlarının Ukraynaya gedəcəyini açıqlamışdı. Lakin Rusiya tərəfi Ukrayna ərazisində fransız qoşunlarının “ovuna” çıxdığı üçün məncə, Fransa bu məqsədindən artıq yayınıb və Ukraynada hərbçilərə təlim keçiriləcəyini vəd edir. Təlimin isə harda keçiriləcəyi açıqlanmır. Böyük ehtimalla bu, Ukrayna ərazisi olmayacaq".

"Onlar Ukrayna vasitəsilə Rusiyanı zəiflətmək barədə düşünürdülər. Lakin nəticədə Ukrayna darmadağın bir vəziyyətdədir. Eynisini biz əvvəl Gürcüstanda da izləmişik və bunu Ermənistanda da gözləyirik. Hər halda Fransa prezidentinin bu günki davranışları vicdansızlıq və ləyaqətsizlik nümunəsidir. Bu isə sonda Fransanın özünə böyük fəlakətlər gətirəcək”.