Ru
10:16 / 25 İyun 2024

"Mənim dövrümdə belə hallar olmayıb" - Əhəd Abıyev korrupsiya əməliyyatından danışdı

6608
Daşkəsən rayonunun sabiq icra başçısı Əhəd Abıyev ötən gün Daşkəsən Rayon İcra Hakimiyyətində keçirilən korrupsiya əməliyyatına münasibət bildirib.


Bakupost.az bildirir ki, "Unikal"a açıqlama verən Əhəd Abıyev əməliyyat nəticəsində saxlanılan məmurları vəzifəyə onun təyin etmədiyini deyib:


"Bu işin mənə nə dəxli var? Mənim dövrümdə belə hallar olmayıb.

Məsələn, mənim dövrümdə qazi icra hakimiyyətinin qarşısında özünü yandıraraq ölürdü? Xeyr. Bu hadisələr məndən sonra olub.

13 il işləmişəm, rayon da 1-ci yerdə olub. Bir dənə də olsun ərizə, şikayət yox idi.

Mən özüm ərizə yazıb təqaüdə çıxmışam. Hazırda Bakıda yaşayıram. Hər gün 5 saat yarım yolu gedib-gəlməməliyəm ki?

Bəziləri yazırlar ki, Əhəd müəllimi də istintaqa çağırıblar. Bunlar yalandır.

Mən 1 ildir Daşkəsənin icra başçısı vəzifəsindən kənarlaşmışam. Çox adam vəzifədən gedir. Məgər, hamısını çağırırlar ki, filankəs, sən belə eləmisən? Mənim adımı niyə çəkməlidirlər?

Kim nə hərəkət edirsə, nə cinayət törədirsə, öz cəzasını da alır. Özləri bilər. Saxlanılan şəxslərlə bağlı qanuni tədbir görəcəklər", - deyə o bildirib.

Qeyd edək ki, ötən gün Daşkəsən İcra Hakimiyyətində keçirilən əməliyyat nəticəsində memarlıq və tikinti şöbəsinin müdiri Elman Məmmədov və ümumi şöbənin işçisi Yaqub Bayramov saxlanılıb.
Şərhlər
  • Roma

    Mən Əhəd Müəllimi kristal kimi təmiz adam bilirəm. Məncə Əhəd müəllim belə əliəyri işlərdən çox-çox uzağ adamdır...

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin







Son xəbərlər
Çox oxunanlar
Son xəbərlər