Ru
12:40 / 26 Noyabr 2022

"Dedim, pulu versəniz, video olan telefonu tualetə atacağam" - Tanınmış prokuroru şantaj edən qadın danışdı

8431

Xəbər verdiyimiz kimi, ötən gün tanınmış prokuror Tariyel Qurbanovu şantaj etməkdə ittiham olunan Ümman Əliyev, Natiq Nuriyev, Pərvin Yusifov, Ələkbər Nuriyev, İlqar Əliyev, Elnur Eldarov və Sahilə Məmmədovanın cinayət işi üzrə məhkəmə prosesi keçirilib.


Bakı Ağır Cinayətlər Məhkəməsində hakim Azər Paşayevin sədrliyi ilə keçirilən iclasda qərar qəbul olunub və Sahilə Məmmədova məhkəmə zalında həbs olunub.

Bakupost.az demokrat.az-a istinadla bildirir ki, məhkəmədə təqsirləndirilən Elnur Eldarov ifadə verib.

O bildirib ki, 2011-ci ildən yaşadığı Quba rayonu Çiçi kəndində kafe işlədir, həmin kafeyə gələn bütün həmkəndlilləri ilə münasibətləri yaranıb. Onun sözlərinə görə, həmin kənddə yaşayan Ümman və İlqar qardaşlarını da uzun müddətdir tanıyır.


Təqsirləndirilən şəxs qeyd edib ki, eyni kənddə yaşayan Natiq Nuriyev də həmin kafeyə 2021-ci ilin yaz-yay aylarında tez-tez gəlib:

“Natiq kafedə əsasən pivə içkisi sifariş verirdi. 2021-ci ilin iyul ayında Natiqin 86 manat kafeyə borcu yaranmışdı. İyul ayında özümə məxsus traktorun təmiri üçün “Accesbank”dan 4 min manat kredit götürdüm. Pulu götürməzdən əvvəl bankdan kafeyə baxışa gələndə Natiqin də xəbəri oldu. Bir neçə gündən sonra bankdan pulu götürəndə Natiq xahiş etdi ki, ona 200 manat borc verim. Natiqə 200 manat borc verdim. O da ən geci bir həftəyə borcunu qaytaracağına söz verdi. Lakin bir həftədən sonra Natiqin telefonlarına zəng çatmadı. Onu təxminən 2 ay tapa bilmədim”.


Təqsirləndirilən şəxs qeyd edib ki, Ümmandan 8 min manat borca pul istəyib. Onun sözlərinə görə, Ümman da ona pul gəlməli olduğunu deyib və pul gələndə borc verəcəyini deyib.

Elnur Eldarov deyib ki, 2021-ci ilin dekabrın ortalarında Ümmanın təklifi ilə Bakı şəhərinə gəlib: “Həmin vaxt Ümmanın Zabrat qəsəbəsindəki kirayə götürdüyü evdə bir iki gün yaşadım. Orada Natiq də olub. Ümman bir hamama fitəçi kimi işə düzəlməyimizi və “Atilla” hamamına müraciət etməyimizi təklif etdi. Razılaşdıq, həmin hamama gəldik. Həmin hamamda fitəçi kimi işlədik, orada da yaşadıq”.

Elnur Eldarov bildirib ki, 2021-ci ilin dekabrın 18-də Natiq anasının vəziyyətinin pis olduğunu hamamın rəhbərliyinə bildirib və oradan gedib.

Təqsirləndirilən şəxs qeyd edib ki, hamamdan oğurluq edib. Onun sözlərinə görə, hamamdan 1718 manatlıq markasını xatırlamadığı telefonu götürüb və sonra hamamı tərk edib: “Hamamdan oğurladığım pulu gündəlik təlabatlarımı ödəmək üçün xərclədim. Telefonu isə Xaçmaz rayonu ərazisində təxminən bir ay sonra tanımadığım şəxsə satdım”.

Elnur Eldarov ifadəsində Tariyel Qurbanovu tanımadığını, ondan hədə-qorxu yolu ilə pul tələb etmədiyini deyib. Bildirib ki, Ümman Əliyevin də ondan pul tələb etməsi və almasından xəbəri olmayıb. O, əməlindən peşiman olduğunu söyləyib.


Digər təqsirləndirilən Ələkbər Nuriyev bildirib ki, əvvəllər Cinayət Məcəlləsinin 234-cü maddəsi ilə təqsirli bilinərək məhkum olunub. Hazırda ailəli olduğunu söyləyən təqsirləndirilən şəxs ona qarşı verilən ittihamla razı deyil. Qeyd edib ki, kənddə iş olmadığı üçün Bakıya gəliblər və paytaxtda müxtəlif yerlərdə işləyiblər.


Ələkbər Nuriyev deyib ki, Ümmandan borca pul istəyib: “Ümman ona pul göndəriləcəyini, həmin puldan mənə verəcəyini bildirdi. Amma pulun kimdən gələcəyini bilmədim”.


Daha sonra təqsirləndirilən Sahilə Məmmədova ifadə verib. O bildirib ki, bacısı Lyudmila, oğlu Allahverdi və bacısının qeyri-rəsmi münasibətdə yaşadığı Natiq Nuriyev ilə birlikdə yaşayıb. Onun sözlərinə görə, Lyudmila Natiqlə birgə onun yaşadığı ünvana təxminən 2022-ci ilin yanvarında qonaq gəlib və onun təkidi ilə birgə yaşamağa başlayıblar:

“Onlara bildirdim ki, Natiq də özünə iş tapar və birlikdə yaşamaq çətin olmaz. Lakin Natiq iş tapmaqda çətinlik çəkdi. Buna görə də maddi cəhətdən sıxıntılar yaşadıq. Natiq birgə yaşamağa başladığımız yanvar ayından gah gündəlik iş taparaq işləyib, gah da günlərlə işsiz qalıb. Birgə yaşadığımız vaxtlardan təxminən fevral ayında Natiq mənə bildirdi ki, Tariyel adlı imkanlı şəxs var. Əvvəllər Ümman və İlqar adlı şəxslər ona hədə-qorxu gəliblər, pul alıblar. Natiqin deməsinə görə, həmin şəxsin Ümman və İlqar qardaşlarında hamamda çəkilmiş şəkil və videoları var. Bu şəkil və videoları yayacağı ilə hədələyərək həmin şəxsdən pul alıblar. Natiq təklif edirdi ki, həmin şəxsə zəng edək, yalandan şəkil və videolarının bizdə olmasını bildirək, təxminən 3-5 min manat alaq”.


Sahilə Məmmədova qeyd edib ki, günlər keçdikcə işləri yaxşı getməyib, üstəlik oğlu Allahverdi də xəstələndiyindən dərmanların alınması üçün təxminən 200-300 manat lazım olub:

“Eyni zamanda, evin kirayə pulunu da üç ay olardı ki, verə bilmirdik. Bir tərəfdən Natiq iş tapa bilmirdi, ciddi maddi sıxıntılar yarandı. Natiq də hər gün israr edirdi ki, həmin imkanlı şəxsə zəng edib, ondan pul istəyək. Fevralın 25-də yenə də ev sahibi zəng etdi, kirayə pulunu istədi. Natiq də həmin gün yenidən imkanlı şəxsə zəng edib, pul almağı təklif edən zaman onun bu təklifini qəbul etməyə qərar verdim. Razılaşandan sonra Natiq məni öyrətdi ki, həmin şəxsə zəng edib, Ümmanın sevgilisi olduğumu, ona aid şəkil və videoların məndə olduğunu bildirim, şəkilləri yaymamaq üçün pul istəyim. Evdə bacımın telefonunu aldım, Tariyel müəllimin vatsapına səs atdım. Həmin səs yazısında bildirdim ki, “Salam Tariyel müəllim, mən Ümmanın sevgilisiyəm. Ümmanda sizin şəkil və videolarınızın olduğu telefon məndədir, uşağıma görə məndə pul lazımdır. Əgər mənə pul versəniz, həmin şəkil və video olan telefonu tualetə atacağam”. Lakin Tariyel müəllim həmin səsə qulaq asdıqdan sonra nömrəni “qara siyahı”ya atdı. Onunla bir daha əlaqə saxlaya bilmədim. Bacım həmin vaxt yatdığı üçün bu söhbətlərdən xəbəri olmayıb”.

Sahilə Məmmədova qeyd edib ki, fevralda Natiqdən onunla Ümmanın Tariyel adlı şəxslə danışmasını, Ümmanın ayağının sınması barədə yalan məlumat verməsini, müalicəsi üçün dəqiq məbləğdə bilmədiyi pul istədiklərini eşidib.
İttihama görə, dəstə üzvləri Tariyel Qurbanovun hamamda çəkilmiş fotolarını ona göndəriblər və pul verməsini tələb ediblər. Əks halda həmin fotoları sosial şəbəkələrdə yaymaqla hədələyiblər.


Tariyel Qurbanov Qaradağ və Hacıqabul rayonlarında prokuror olub. Daha sonra o, Baş Prokurorluğun Dövlət təhlükəsizliyi, fövqəladə hallar və sərhəd xidməti orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin rəis müavini olub.

Bu ilin mart ayında vəzifəsindən azad olunan Tariyel Qurbanov sonradan Abşeron rayon prokurorunun böyük köməkçisi təyin olunub.

Tariyel Qurbanov həmçinin Dini Qurumlarla İş üzrə Dövlət Komitəsinin sədri Mübariz Qurbanlının qardaşıdır.

Xatırladaq ki, Tariyel Qurbanov bir vaxtlar sol əllə hərbi salam verməsi ilə gündəmə gəlmişdi.




Şərhlər
  • Ramin

    Tariyel kimisini neinki santaj elemek, lap atasinida yandirmaq lazimdir. Muftexor kimi xalqin qanini icibler, belelerine ne etseler duzgun edirler.

  • Neriman Seyfeli.

    Vetendashlarin shexsi heyatina mudaxile edib tamah meqsedile istifade etmek leyaqetsizlikdir ve cezalanmalidir.

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Son xəbərlər
Çox oxunanlar
Son xəbərlər