"Dövlətin yox olduğu bir şəraitdə bu missiyanı boynuna götürdü, şərəflə yerinə yetirdi"

“Allahverdi Bağırov çox fədakar, vətənpərvər, igid qəhrəman döyüşçü, komandir idi. O, Xocalı soyqırımı zamanı ermənilər tərəfindən əsir götürülmüş mindən çox insanımızı azad edib. Yəni o dövrdə dövlətin yox olduğu bir şəraitdə Allahverdi Bağırov bu missiyanı boynuna götürdü və şərəflə yerinə yetirdi. Onun vətənimizin, xalqımızın, torpaqlarımızın azadlığı uğrunda göstərdiyi, fədakarlıq, qəhrəmanlıq, igidlik, qayğı, diqqət əvəzsizdir. Mən öz və bütün xocalılar adından Allahdan ona rəhmət diləyirəm. Şəhidlərimizin yeri cənnətlikdi, qoy ruhları şad olsun. Bu gün torpaqlarımız azaddır. Torpaqlarımızın bu gün azad olmasında Allahverdi Bağırov və onun kimi oğullarımızın xidmətləri əvəzsizdir. Allah cəmi şəhidlərimizə rəhmət eləsin”.

Qeyd edək ki, bu gün Milli Qəhrəman Allahverdi Bağırovun doğum günüdür. Allahverdi Teymur oğlu Bağırov 1946-cı il aprelin 22-də Ağdamda anadan olub. 1992-ci il iyunun 12-də təcili iş üçün geri, Ağdama çağırılan Allahverdi Bağırovun olduğu maşın Naxçıvanikdən geri qayıdarkən minaya düşüb. Maşında olan digər üç nəfər sağ qalsa da, Allahverdi Bağırov, sürücüsü və Nizami adlı həkimlə birlikdə şəhid olub.