Ru
15:33 / 10 Avqust 2022

Ən çox şikayət olunan qurum gömrük orqanlarıdır - Natiq Cəfərli

1785
“Azərbaycanda müstəqillikdən bəri ən çox şikayət olunan orqanlardan biri, bəlkə də ən birincisi, gömrük orqanları olub. Onların fəaliyyəti bu orqanın fəlsəfəsinə uyğun deyil”.


Bunu Bakupost.az -a açıqlamasında iqtisadçı ekspert Natiq Cəfərli deyib.


Ekspert bildirib ki, Azərbaycandakı bahalığın yaranma səbəblərindən biri də məhz rüsumların yüksək olması və gömrük orqanlarıdır:


“Obyektivlik naminə demək lazımdır ki, bəzi şikayətlər gömrük orqanlarının birbaşa fəaliyyətilə, oradakı korrupsiya, inhisarçılıq faktları ilə bağlı olsa da, bəzi məsələlər gömrük orqanlarından asılı deyil. Yəni, qanunvericilik və gömrük rüsumları ilə bağlı qaydalar Azərbaycanda həddindən artıq qarışıqdır, heç bir məntiqə uyğun deyil. Ona görə də gömrük xidmətində köklü islahatlara ehtiyac var. Həm gömrük qanunvericiliyi, həm rüsumlar haqqında qanun, həm də gömrük strurkturunun fəlsəfəsi dəyişməlidir. Tək struktur dəyişiklikləri ilə iş tamamlanmır. Bundan sonra Gömrük Komitəsinin ayrıca bir qurum kimi qalmasına da ehtiyac yoxdur. Hansısa bir nazirliyin tərkibində, ya Maliyə, ya da İqtisadiyat Nazirliyinin tərkibində bir departament kimi fəaliyyət göstərməsi daha məntiqli olar. Bu baş verərsə və qanunvericilikdə dəyişikliklər olarsa, bu zaman gömrüklə bağlı şikayətlərin xeyli azalmasının şahidi ola bilərik”.


Fərid
Baku Post
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Şərhlər
Son xəbərlər
Çox oxunanlar
Son xəbərlər