14:50 / 30 Mart 2023

“Hər iki terrorda avtomatdan istifadə edilib, bu o deməkdir ki..." - Açıqlama

3600

“Fazil Mustafaya sui-qəsd sıradan bir məsələ deyil. Bu terrorun məhz 28 martda təşkil olunmasının arxasında müəyyən məqsədlər dayanır. Çünki, 28 mart DTX-nin peşə bayramı günüdür. Eyni zamanda Tehrandakı səfirliyimizdə terror hadisəsi törədilməsinin 40-cı günüdür. Həm də 28 martda Milli Məclisin nümayəndə heyəti səfirliyin açılması tədbirinə qatımaq üçün İsrailə səfərə gedib”.

Bunu Bakupost.az -a açıqlamasında millət vəkili Azər Badamov deyib.

Onun sözlərinə görə, Tehrandakı səfirliyimizə və Fazil Mustafaya qarşı terror hadisələri avtomat silahı vasitəsilə həyata keçirilib. Bütün bunlar bu terror hadisələrinin eyni mərkəzdən planlaşdırıldığı haqqında fikir yürütməyimizə əsas verir:

“Fazil Mustafaya qarşı terror hadisəsinin məqsədi dövlətimizə qarşı inamsızlıq, cəmiyyətdə qorxu yaratmaqdır. Hadisə ilə bağlı çox ciddi, əsaslı tədqiqat aparılmalıdır. Hesab edirəm ki, müvafiq dövlət orqanları cinayətkar şəxs və ya şəxslərin ifşa olunması və cəzanlandırılması istiqamətində tədbirləri uğurla başa çatdıracaq".

Sevinc

BakuPost

Şərhlər

Seçilmiş Zəngimcell