16:35 / 30 Mart 2023

Heydərovun strateji məğlubiyyəti – Bu obyektlər nazirlikdən alındı - SİYAHI

36832

Xəbər verdiyimiz kimi, bu gün Prezident İlham Əliyevin fərmanı ilə Fövqəladə Hallar Nazirliyinin Su Ehtiyatları Dövlət Agentliyinin əsasında Azərbaycan Dövlət Su Ehtiyatları Agentliyi yaradıldı.

Fərmanla həmçinin “Azərsu” Açıq Səhmdar Cəmiyyəti və Azərbaycan Meliorasiya və Su Təsərrüfatı Açıq Səhmdar Cəmiyyəti əmlakları ilə birlikdə Agentliyin tabeliyinə verildi.

Beləliklə, su idarəçiliyi sahəsində vahid qurum yaradıldı. Bundan sonra həm əhalinin su təminatı, həm də meliorasiya və su təsərrüfatı məsələləri ilə yeni yaradılan Agentlik məşğul olacaq.

Digər diqqətçəkən məqam isə Fövqəladə Hallar Nazirliyinin səlahiyyətinin azadılmasıdır. Belə ki, nazirlik bundan sonra su məsələləri ilə məşğul olmayacaq. İndiyə qədər 3 dövlət qurumunun tabeliyində olan su təsərrüfatı bundan sonra müstəqil dövlət qurumu olan Agentlik tərəfindən həyata keçiriləcək.

Qeyd edək ki, öz ömrünü başa vuran Fövqəladə Hallar Nazirliyinin Su Ehtiyatları Dövlət Agentliyi 12 il əvvəl - 25 fevral 2011-ci ildə ilə ölkənin su ehtiyatlarının idarə olunmasının təkmilləşdirilməsi məqsədilə yaradılmışdı. Bu qurum yaradıldıqdan sonra ölkənin bütün su ehtiyatları - Kür çayı üzərində strateji əhəmiyyətli Şəmkir, Yenikənd, Mingəçevir, Varvara kaskad su anbarları, Ceyranbatan su anbarı, Yuxarı Qarabağ, Yuxarı Şirvan, Şəmkir Maşın kanallarının baş suqəbuledici qurğuları Nazirliyin balansına verilmişdi.

FHN-in Su Ehtiyatları Dövlət Agentliyi bu su anbarlarının mühafizəsini təmin edir, onların texniki vəziyyətini nəzarət altında saxlayır, ölkə ərazisində yerüstü, yeraltı su ehtiyatlarının, su obyektlərinin, hidrotexniki qurğuların, su təchizatı sistemlərinin monitorinqlərini aparırdı.

Beləliklə, yeni agentliyin yaradılması ilə strateji sahələrdən daha biri - su ehtiyatlarının idarəçiliyi "fövqəlnazir" Kəmaləddin Heydərovdan alındı.

Zaur

BakuPost

Şərhlər

Vasif

Tovuzun Yuxarı Öysüzlü kəndinə gələn içməli su borusunu 5-10 nəfər əhali dağıdıb torpaqları sulayır və buna Azərsu göz gumur.
Ramin

YASASIN QAZAGIN ASLANBEYLI KENDI.
Ramin

Esas odur ki Qazagin Aslanbeyli, Qaymaqli, Kemerli kendleri fasilesiz olaraq su verilecek insallah. Amin. Bu kendler cox pis veziyyetde idi, bir qaldi kohne isiq tranfarmatorlarin yenilenmesi ve kende geden yolun qiraqlarina isiq direklerinin basdirilmasi, kend yolunun isiqlandirilmasi.
Ramin

Getsin istirahete Kamish muellim ))
Mühəndis B.

Yeni Agentliyin Su tminatı, təchizatı və ehtiyatları da daxil Su təsərrüfatı ilə tam məşğul olacağı aydındır! Ancaq, Su ehtiyatları və Mənbələrinin mühafizəsi həmin agentliyin özünə həvalə edilə bilməz?

Seçilmiş Zəngimcell

M.Ə.Rəsulzadə - Yaşa, Azərbaycan!

8007

Bizi telegram-da izləyin

Bizi facebook-da izləyin

Bizi tiktok-da izləyin

Bizi youtube-da izləyin

Son xəbərlər

Çox oxunanlar

Son xəbərlər