Ru
23:39 / 12 İyul 2022

“Lex”in baş məşqçisi: “Acınacaqlı məğlubiyyətdir”

2899
“Bugünkü qələbə münasibətilə “Qarabağ”ı təbrik edirəm. Onlara növbəti mərhələdə uğurlar arzulayıram. Növbəti mərhələyə biz də keçə bilərdik. Bu gün heç nə bizim üçün uğurlu olmadı. İstisna olaraq ilk dəqiqədə vurduğumuz qolu qeyd edə bilərəm”.


Bakupost.az Qafqazinfo-ya istinadən xəbər verir ki, bunu “Lex”in baş məşqçisi Conni van den Brom Çempionlar Liqasının 1-ci təsnifat mərhələsində “Qarabağ”a Bakıda 1:5 hesabı ilə uduzduqları oyundan sonra keçirilən mətbuat konfransında deyib.


Niderlandlı mütəxəssisin sözlərinə görə, komandası bu gün həddindən artıq səhv edib:


“Hakim də ən azı 3 epizodda ofsayd qeydə almadı. Bu da gedişata təsir etdi. Amma bu bəhanə olmamalıdır. “Qarabağ” ən azı keyfiyyətdə bizi üstələdi. 1:5 hesabı acınacaqlı məğlubiyyətdir. Komandamızın təcrübəsində belə hesablı məğlubiyyət olmayıb. Polşa çempionatının oyunlarında da bunu görmək mümkün deyildi. Bir çox nüansları nəzərə almaq lazımdır. 5:1 hesabı sırf "Qarabağ”ın çox yüksək keyfiyyətdə oyun sərgiləməsi ilə bağlıdır”.


Baş məşqçi “Qarabağ”ın çox yüksək səviyyəli komanda olduğunu bildirib:


“Hər hansı taktikadan və ya məşqçi səhvindən danışmaq istəməzdim. Ötən həftə tətbiq etdiyimiz taktikanı seçmişdik. Çünki bunu uğurlu hesab etmişdik. İlk dəqiqə qolu da bunu göstərdi. Amma “Qarabağ”ın yüksək səviyyəli oyunu matçın belə nəticələnməsinə yol açdı”


Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Şərhlər
Son xəbərlər
Çox oxunanlar
Son xəbərlər