Dünya şöhrətli aktyor Brendan Freyzer “Qızıl Qlobus” mükafatının təqdimetmə mərasiminə qatılmayacaq.
Bakupost.az xarici mətbuata istinadla xəbər verir ki, aktyor keçmiş təşkilatçılardan birinin ona göstərdiyi təzyiq səbəbindən mərasimə qatılmaqdan imtina edib.
Sənətçi Darren Aronofskinin “Balina” filmindəki işinə görə namizəd olsa da, tədbirdə iştirak etməyəcəyini açıqlayıb.
Freyzer, 2003-cü ildə Hollivud Xarici Mətbuat Assosiasiyasının (HFPA) prezidenti Filip Börkün onu sıxışdırdığını demişdi. Hətta aktyor bu hadisəyə görə, bir müddət çəkilişlərdən də imtina edib.