Müşfiq Abbasov Polis Akademiyasında görüş keçirdi - FOTO

Bakupost.az xəbər verir ki, Akademiyanın kitabxanasında səmimi ortamda baş tutan görüşdə kursantlar yazıçı Müşfiq Abbasovun detektiv romanlarına münasibət bildirərək əsərlərdəki istintaq və əməliyyat axtarış fəaliyyətini, cinayətkarların ifşa olunması üçün istifadə olunan metodları müzakirə edib, habelə özlərini əsərin qəhrəmanları yerinə qoyaraq qeyri-aşkar şəraitdə baş verən xüsusilə ağır cinayət hadisələrinin qısa müddətdə aşkara çıxarılması üçün daha hansı tədbirlərin həyata keçirilməsinin mümkünlüyünü bildiriblər.

Daha sonra kursantlarla yazıçı M.Abbasov arasında "Şeytanın siması" kitabındakı polis əməkdaşlarının fədakarlığı, cinayətkarların gizlənmə üsullarının aşkara çıxarılması tədbirləri, vətənpərvərlik, ailə bağlarına sadiqlik və sair mövzularda maraqlı diskussiya aparılıblar.

Yazıçı Müşfiq Abbasov belə bir görüşü təşkil etdiyinə görə Akademiyanın rəhbərliyinə minnətdarlıq edib və sonda "Şeytanın siması" kitabını təlim və təhsildə fərqlənən kursantlara öz imzası ilə hədiyyə edib.