İngiltərədə Biobank adlı biotibbi verilənlər bazasından məlumat əldə edilərək araşdırma aparılıb.
Bakupost.az xəbər verir ki, araşdırma nəticəsində yolda yaranan səs-küyün hipertoniya yarada biləcəyi məlum olub.
Araşdırmada Avropada modelləşdirmə vasitəsi olaraq istifadə edilən ümumi səs-küyün qiymətləndirilməsi metodundan istifadə olunub.Təcrübədə hipertoniya şikayəti olmayan 40-69 yaş arası 246 min 447 adam iştirak edib. Təcrübə 8 il müddətində aparılıb.
Tədqiqatçılar həm hava çirkliliyi, həm də nəqliyyat səs-küyünə məruz qalanların yüksək təzyiqdən əziyyət çəkmə ehtimalının daha çox olduğuna diqqət çəkib. Bildirilib ki, səs-küyün dozası artdıqca xəstəlik riski də artır.
Qeyd edək ki, Ümumdünya Səhiyyə Təşkilatının hazırkı məlumatlarına görə, dünyada 1,28 milyard hipertoniya xəstəsi var.
Aynur,
BakuPost