Ru
12:05 / 05 Oktyabr 2022

"Qanun" 8-ci Bakı Beynəlxalq Kitab Sərgisində - VİDEO

8858

Bu gün 8-ci Bakı Beynəlxalq Kitab Sərgisinin açılışı olub.


Bakupost.az xəbər verir ki, sərgidə 16 ölkədən 60-dan çox xarici təşkilat, 118 yerli nəşriyyat-poliqrafiya və kitab sənəti ilə əlaqəli müəssisə təmsil olunur.


Sərgidə “Qanun” nəşriyyatı 28 metrlik böyük bir stendlə iştirak edib.


Stenddə "Qanun"da kitabları çap edilən yazıçıların portretləri də asılıb.




Qeyd edək ki, oktyabrın 9-na qədər davam edəcək sərginin əsas məqsədi Azərbaycan dövlətinin kitab nəşri, kitabın təbliği və yayılması, dərsliklərin, lüğətlərin, tərcümə və elmi ədəbiyyatın işıq üzü görməsinə yönəlmiş qərar və göstərişlərinin mühüm rolunu vurğulamaq, ölkəmizdə kitab sənayesi sektorunun, ədəbi proseslərin və mütaliə mədəniyyətinin inkişafını dəstəkləməkdir.

Sərginin “fəxri yazarları” Xalq şairi Ramiz Rövşən və tanınmış şair Aqşin Yenisey olacaq. 5 gün ərzində hər iki şairin iştirakı ilə müxtəlif formatda tədbirlər təşkil ediləcək.


Tədbirin son günündə isə “Ən yaxşı nəşriyyat” və “Ən yaxşı kitab” nominasiyaları üzrə qaliblər seçiləcək.

Şuşaya həsr olunmuş məzmun və poliqrafik baxımından ən yaxşı kitabın buraxılışını təmin edən naşir Şuşanın 270 illiyi münasibətilə təsis olunan “Xatirə nişanı” ilə təltif olunacaq.




Aygün
BakuPost

Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Son xəbərlər
Çox oxunanlar
Son xəbərlər