"Ukraynanın qan ili" - Müharibənin ildönümü dünyada manşetlərində - FOTO

Bakupost.az xəbər verir ki, 24 fevral 2022-ci ildə başlayan Rusiya-Ukrayna müharibəsi ilk ilinə qədəm qoyub. Bu 1 ildə Ukraynada minlərlə insan tələfatı və böyük dağıntılar baş verib.

Rusiyanın yazda yeni hücum dalğası hazırlaması ilə bağlı iddialar səslənir, Kiyev administrasiyası Qərbdən ağır silah daşınmasının davam etdirilməsini istəyir. Döyüş təyyarələrinin tədarükü də tələblər arasındadır.

Dünya mətbuatından çıxan qəzetlər müharibənin ildönümünü öz manşetlərinə daşıyıb. “The Times” qəzeti “Ukraynanın qan ili” başlığı ilə məqalə dərc edib.

Xəbərin təfərrüatlarında Ukraynanın döyüş meydanında Rusiyaya qarşı “həlledici üstünlüyə” malik olması vurğulanıb.

Xarkovdakı qəbiristanlıqdan kadrın yer aldığı qəzet Ukrayna bayraqları ilə müharibədə həlak olan əsgərlərin xatirəsini yad etdiyini bildirib.

Qeyd olunub ki, bir il əvvəl Rusiya prezidenti Vladimir Putin ordusunun paytaxt Kiyevə girəcəyini gözləsə də, Ukrayna meydan oxumaqda davam edir.

Qeyd olunub ki, Rusiya ordusu 80 gündən çox şəhəri bombalayıb və müharibənin ən qanlı səhnələri, sarsıdıcı görüntüləri burada yaşanıb.

Birinci ilini başa vuran müharibədə ağır itkilər verildiyi, Ukrayna əsgərlərinin dünən Xarkovda təlimlərə qatıldığı paylaşılıb.

Qərb rəsmilərinə əsaslanan məlumatlara görə, Rusiya ordusundan 200 mindən çox əsgərin ya öldürüldüyü, ya da yaralandığı bildirilir.

“Ukrayna prezidenti Vladimir Zelenski ölkəsini hücumlar qarşısında bir yerdə saxlamağı bacardı və Qərb Ukraynaya dəstəyini bir daha təsdiqlədi”.

Qəzet Rusiya-Ukrayna münaqişələrinin qaçqın dalğasına səbəb olduğunu da vurğulayıb.