Ru
15:48 / 05 Fevral 2024

Səfir “Azərbaycanım” beynəlxalq jurnalının kollektivi ilə görüş keçirdi - FOTO

6462
Səudiyyə Ərəbistanı Krallığının Azərbaycandakı fövqəladə və səlahiyyətli səfiri İssam bin Saleh əl-Cuteyli “Azərbaycanım” beynəlxalq jurnalının kollektivi ilə görüş keçirib.


Bakupost.az xəbər verir ki, görüş “Azərbaycanım” beynəlxalq jurnalının baş ofisində baş tutub. İlk öncə, Azərbaycanım” beynəlxalq jurnalının baş redaktoru, Beynəlxalq Elmlər Akademiyasının müxbir üzvü Emil Nəsirli qonağı salamlayaraq, beynəlxalq jurnalın fəaliyyət istiqamətləri, yerli və beynəlxalq təşkilatlarla informasiya mübadiləsinin təkmilləşdirilməsi üzrə həyata keçirilən layihələr barədə, eləcə də bu illər ərzində beynəlxalq jurnalın dünya təcrübəsinə inteqrasiyası istiqamətində qazandığı uğurlardan danışıb.

Baş redaktor Emil Nəsirli bildirib ki, kütləvi informasiya vasitələrinin inkişaf meyllərinin təhlili onu göstərir ki, beynəlxalq məsələlərin həllində medianın rolu getdikcə artır. Beynəlxalq münasibətlər sisteminin inkişafında media vasitələrinin nüfuzunun artması beynəlxalq aləmdə informasiya sahəsinin yaradılması ideyasının əsasını təşkil edir. Baş redaktor əlavə edib ki, ölkəmizin çap mediası arasında öz dəst-xəti ilə seçilən mətbu orqanlarından biri sayılan "Azərbaycanım” beynəlxalq jurnalı 20 ilə yaxındır ki, maraqlı, məzmunlu yazıları ilə oxucularının görüşünə gəlir. Jurnalın kollektivi Azərbaycanın haqq səsinin dünya oxucusuna çatdırılması üçün layiqincə çalışıb, bu istiqamətdə böyük səylər göstərib. Əsas qayəsi ölkəmizi xaricdə layiqincə təbliğ etmək olan jurnal öz fakturasını, təhkiyə strategiyasını, tərtibatını, poliqrafiya keyfiyyətini yüksəldib müasirləşdirərək diaspor təşkilatları və beynəlxalq qurumlar ilə əməkdaşlığın davam etdirilməsi istiqamətində çoxşaxəli, səmərəli işlər görüb. Bunun nəticəsidir ki, “Azərbaycanım” beynəlxalq jurnalı aylıq nəşr kimi nəinki respublika ərazisində, eləcə də dünyanın müxtəlif ölkələrində geniş oxucu auditoriyası qazanıb.


Görüşdə mətbuatımızın ötən zaman ərzində böyük inkişaf yolu keçdiyini qeyd edən Emil Nəsirli onu da vurğulayıb ki, Prezident İlham Əliyev tərəfindən KİV-in inkişafı istiqamətində atılan bütün addımların və görülən tədbirlərin Azərbaycan mətbuatının inkişafına xüsusi töhfələr bəxş edib. Bu gün isə mətbuata xüsusi dövlət qayğısı və diqqətinin mövcud olması, eyni zamanda, söz, fikir və özünüifadə azadlıqlarının ən yüksək səviyyədə təsbit edilməsi, mətbuatın maddi-texniki və maliyyə bazasının gücləndirilməsi, media institutunda təmsil olunan şəxslərin səmərəli fəaliyyəti üçün əlverişli şəraitin yaradılması və digər bu kimi amillər milli mətbuatımızın inkişafını şərtləndirən fundamental faktorlar kimi dəyərləndirilməlidir. Bu baxımdan Prezident İlham Əliyev tərəfindən son zamanlar verilən sərəncamlar xüsusi əhəmiyyət daşıyır.


Görüşdə Emil Nəsirli “Azərbaycanım” beynəlxalq jurnalının Redaksiya Şurasının qərarı ilə Səudiyyə Ərəbistanı Krallığının Azərbaycandakı fövqəladə və səlahiyyətli səfiri İssam bin Saleh əl-Cuteylinin jurnalın Fəxri üzvü seçildiyini bildirib və Fəxri üzvlük sertifikatını səfirə təqdim edib.


Səfir İssam bin Saleh əl-Cuteyli "Azərbaycanım" beynəlxalq jurnalının səhifələrində işıqlandırılan rəngarəng materialları böyük maraqla izlədiklərini bildirib və Fəxri üzv adına layiq görüldüyü üçün jurnalın Redaksiya Şurasının üzvlərinə təşəkkür edib. Səfir İssam bin Saleh əl-Cuteyli qeyd etdi ki, medianın fəaliyyətinin siyasi-iqtisadi, mədəni-tarixi, dini-milli proseslərdə həyata keçirilməsinin və cəmiyyətin müxtəlif sosial təsisatlarının strukturunda elə bir mühüm rol oynayır ki, onsuz cəmiyyətin normal inkişafı qeyri-mümkündür. KİV bəşəriyyətin əsas inkişaf meyili olan humanist yönümlü cəmiyyətin yaranmasında fəal iştirak edir.


Sonra Səfir İssam bin Saleh əl-Cuteyli redaksiyanın baş ofisində "Azərbaycanım" beynəlxalq jurnalının ötən illər ərzində fəaliyyətini özündə əks etdirən foto stendlə tanış oldu.


Görüşdə Səfirliklə "Azərbaycanım" beynəlxalq jurnalı arasında informasiya mübadiləsi istiqamətində əlaqələrin genişləndirilməsi, bu əlaqələrin Səudiyyə Ərəbistanı Krallığının Azərbaycanda, ölkəmisin isə Səudiyyə Ərəbistanında tanıdılması üçün zəruri vasitələrdən istifadə edilməsinə töhvə olacağının vacibliyi ətrafında fikir mübadiləsi aparıldı.


Sonra səfir İssam bin Saleh əl-Cuteyli "Azərbaycanım" beynəlxalq jurnalının redaksiyasının 2024-cü ildə ilk qonağı kimi jurnalın “Fəxri Xatirə kitabı”na 2024-cü ilin ilk ürək sözlərini yazdı.


“Fürsətdən istifadə edərək, Azərbaycan Respublikasının Prezidenti cənab İlham Əliyevə, "Azərbaycanım" beynəlxalq jurnalının kollektivinə və qardaş Azərbaycan xalqına möhkəm cansağlığı və xoşbəxtlik, Azərbaycana isə inkişaf və firavanlıq arzularımı çatdırmaqdan şərəf duyuram”, - səfir söylədi.


Görüşdə səfir İssam bin Saleh əl-Cuteyli "Azərbaycanım" beynəlxalq jurnalının kollektivi ilə foto çəkdirdi.
Səfir “Azərbaycanım” beynəlxalq jurnalının kollektivi ilə görüş keçirdi -  FOTO
Səfir “Azərbaycanım” beynəlxalq jurnalının kollektivi ilə görüş keçirdi -  FOTO
Səfir “Azərbaycanım” beynəlxalq jurnalının kollektivi ilə görüş keçirdi -  FOTO
Səfir “Azərbaycanım” beynəlxalq jurnalının kollektivi ilə görüş keçirdi -  FOTO
Səfir “Azərbaycanım” beynəlxalq jurnalının kollektivi ilə görüş keçirdi -  FOTO
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin






Son xəbərlər
Çox oxunanlar
Son xəbərlər