"Starbaks" işçiləri tətil qərarı verdi

Bakupost. az xəbər verir ki, işçilər ixtisarlar və mağazaların bağlanmasına etiraz edirlər.

ABŞ-ın qəhvə şəbəkəsi ittifaqların yaranmasına yol verməməklə ittiham olunur. "Starbaks" işçiləri şirkəti vicdanla hərəkət etməməkdə günahlandırıb. 100-dən çox mağazada bir günlük tətil elan edilib. İşçilər maaşlarının azlığından, stabil iş rejiminin olmamasından şikayətlənib.

ABŞ səlahiyyətliləri "Starbaks"ı avqust ayında işdən çıxardığı həmkarlar ittifaqı fəallarını işə bərpa etməyə çağırıb.

İşçilərin tətil qərarı "Starbaks"ın müştərilərinə bayram məzmunlu qırmızı fincanlar təqdim etdiyi günə təsadüf edib. Hər il bu fincanlara görə mağazaların qarşısında uzun növbələr yaranırdı.

BakuPost