2025-ci ildə Azərbaycan 845.991,6 ton meyvə-tərəvəz ixrac edib ki, bu da 2024-cü illə müqayisədə 23,3% artım deməkdir.
Bakupost.az xəbər verir ki, ixrac edilən meyvə-tərəvəzin ümumi dəyəri də 27,4% artaraq 901.500.920 dollara çatıb. Bu, ümumi ixracın 3,6%-ni təşkil edir (2024-cü ildə 2,67%).
Eyni zamanda, 2025-ci ildə Azərbaycana meyvə-tərəvəz idxalının həcmi 360.787,01 ton (3,8% azalma), dəyəri isə 301.845.250 dollar (7,1% artım) təşkil edib. Ümumi idxalın payı 1,24% (2024-cü ildə 1,34%) təşkil edib.