Bunu komandir əmr edir - İrəvanın “ölüm ticarəti”

Azərbaycan torpaqlarının təqribən 25%-ni işğal etmiş Ermənistanın rəhbərliyi uşaqları, məktəb şagirdlərini, gəncləri silaha sarılmağa çağırmaqla kifayətlənmir. O, artıq yaşlı, qoca vətəndaşlarını dda öyüşlərə cəlb edir. Bu zaman onların hazırlıqsızlığı, döyüş təcrübələrinin olmaması nəzərə alınmır.

KİV-də yer alan xəbərlərə görə, Azərbaycanın hərbi əməliyyatları nəticəsində ələ keçmiş əsirlər arasında Ermənistana başqa ölkələrdən gəlmiş döyüşçülər də var. Yeri gəlmişkən, Azərbaycan Silahlı Qüvvələri döyüşlər zamanı əsirlərlə yanaşı, Ermənistan ordusunun çox sayda hərbi sursatını, uzaq mənzilli artilleriya və raket qurğularını da qənimət kimi ələ keçirir.

Artıq BMT üzvü olan bəzi dövlətlər bu cür ürək sızladan görüntülərə görə Ermənistanın siyasi rəhbərliyini tənqid edib. Bir çox tanınmış şəxslər, beynəlxalq təşkilatlar bu iyrənc əməli pisləyib, dünyanı uşaqları qorumağa səsləyib. Onlar bildirir ki, uşaqların qətllərdə, ölüm əməliyyatlarında iştiraka məcbur edilməsi yolverilməzdir.

Azyaşlıların döyüşlərə cəlbi bütün beynəlxalq qanunların birbaşa, açıq və kobud şəkildə pozulmasıdır. Bu, BMT konvensiyalarına, çoxsaylı qanunlara tam ziddir. O üzdən, belə hallara heç bir halda bəraət qazandırmaq olmaz. Müvafiq konvensiyalar hər iki cinsdən olan uşaqların və yeniyetmələrin dünyanın istənilən yerində gedən döyüşlərdə hər hansı səbəbdən iştirakını, müharibəyə cəlbini birmənalı qadağan edir, münaqişələrə, müharibələrə cəlb olunmuş uşaqların hüquqlarının qorunmasına çağırır.

Ermənistan baş naziri Nikol Paşinyan orta yaşlı və qoca çağırışçılarla görüşündə onlara “ürəyinizdə qələbə ilə gedin” deyirdi. Bu, onu göstərir ki, Ermənistan liderləri öz işğalçılıq maraqları naminə istər uşaqları, istərsə də qocaları tərəddüd etmədən təhlükəyə atır.

Dünya həyatlarının xilası üçün beynəlxalq birliyə, institutlara müraciət edən erməni uşaqlarının göz yaşları fonunda insanlıq düşmənlərini qəti şəkildə pisləməlidir. Sülhə, xalqların qardaşlığına, hürriyyətinə əhəmiyyət verməyən kəslərin uşaqların da hüquqlarını pozmasına yol verilməməlidir.

Məşhur “Euronews” telekanalı hələ 2019-cu ilin dekabrında Ermənistanda uşaq hüquqlarının pozulması halları ilə bağlı ürək sızladan süjet hazırlamışdı. Orada Ermənistandakı uşaq ticarəti şəbəkəsindən, faciə yaşayan analardan, hökumətin bununla bağlı apardığı araşdırmalardan bəhs olunurdu.

Eyni problem məşhur ərəb informasiya saytı olan “əl-Hivar əl-Mutəməddin”də də işıqlandırılmışdı.

Demək, yaxın zamanlarda Ermənistan uşaqları və gəncləri də müharibədən xilas olacaq, daha onlar müharibədə iştiraka məcbur edilməyəcək. Bu, onların, günahsız uşaqlıqların da xeyrinə olan məsələdir. Bu, bütün millətlərin, ümumilikdə bəşəriyyətin xeyrinədir.