“Casus Şeyx” və Tramp işbirliyi – Gəlir müharibəsi iddiaları yenidən gündəmdə

Birləşmiş Ərəb Əmirlikləri (BƏƏ) ilə əlaqəli bir şirkətin, Tramp ailəsinin kripto valyuta şirkətinin 49%-lik hissəsini aldığı ortaya çıxıb. Bu, ABŞ-da gəlir müharibəsi ilə bağlı narahatlıqları gündəmə gətirib.

Bakupost.az “Wall Street Journal” (WSJ) istinadən xəbər verir ki, “Aryam Investment” adlı şirkət, Donald Trampın ikinci müddət andiçməsindən dörd gün əvvəl “World Liberty Financial” üçün 500 milyon dollar ödəməyi qəbul edib. Anlaşmanı Trampın oğlu Erik Tramp imzalayıb.

“World Liberty Financial”ın təsisçiləri arasında Tramp ailəsi ilə yanaşı, sonradan ABŞ-ın Yaxın Şərq üzrə xüsusi nümayəndəsi olan Stiv Vitkoff da yer alıb. Ödənişlər nəticəsində Tramp ailəsinə 187 milyon, Vitkoffa isə 31 milyon dollar köçürüldüyü bildirilir.

ABŞ mediası, “Aryam Investment”ın ən böyük səhmdar olması ilə nəticələnən bu razılaşmanın ciddi gəlir müharibəsi narahatlıqlarını doğurduğunu vurğulayır.

Həmin anlaşmanın arxasında BƏƏ Milli Təhlükəsizlik Məsləhətçisi Şeyx Tahnoun bin Zayed Al Nahyanın dayandığı iddia olunur. BƏƏ Dövlət Başçısı Şeyx Muhəmməd bin Zayidin qardaşı olan Şeyx Tahnoun 1,3 trilyon dollarlıq aktivləri ilə dünyanın ən böyük investorlarından biridir.

“Casus Şeyx” ləqəbli Şeyx Tahnounun ABŞ-ı süni zəka çiplərinə çıxış verməyə məcbur etdiyi iddia edilir. Onun nəzarətindəki süni intellekt şirkəti “G42”, ABŞ texnologiyalarının Çin tərəfinə sızdırıla biləcəyi şübhəsi ilə Co Baydenin dövründə nəzarət altında olub.

Şeyx Tahnounun mart ayında Ağ Evə səfərindən iki ay sonra, Tramp administrasiyasının BƏƏ-yə ən qabaqcıl texnologiyaya malik 500 min çip verməyə razı olduğu bildirilir.

Ağ Ev sözçüsünün müavini Anna Kelli gəlir müharibəsini iddialarını rədd edib. O, həm Trampın, həm də Vitkoffun “World Liberty Financial” ilə birbaşa əlaqəsinin qalmadığını bildirib.
“World Liberty Financial” isə yatırımı təsdiqləyərək, Tramp və Vitkoffun razılaşmaya hər hansı müdaxiləsi olmadığını qeyd edib. Şirkət sözçüsü Devid Vaşman bu anlaşmanın süni intellekt çipləri ilə heç bir əlaqəsi olmadığını da bildirib.

Cavid, BakuPost