Əlil arabasında cəbhəyə – Rusiya Müdafiə Nazirliyi ağır yaralı azərbaycanlını tərxis etmir – FOTO

39 yaşlı azərbaycanlı Elşən Bəndəliyev rus dilini kifayət qədər bilməməsinə baxmayaraq, 2024-cü ilin dekabrında Xabarovskdakı 10103 saylı hərbi hissəyə müqavilə imzalamağa məcbur edilib və Ukraynada gedən müharibəyə göndərilib. 2025-ci ilin iyulunda Bəndəliyev mina partlayışı nəticədə çoxsaylı qəlpə yaraları, sol qol və bud sümüyündə ciddi sınıqlar alıb.

Bakupost.az xəbər verir ki, E.Bəndəliyevin vəkili tərəfindən bildirildiyinə görə, yaralanandan sonra bir neçə əməliyyat keçirən Bəndəliyev tibbi səbəblərlə xidmətindən azad olunmalı idi. Fevral 17-də tikişlərinin götürülməsi və Hərbi-Tibbi Komissiyadan (VTK) keçməsi planlaşdırılan azərbaycanlının müalicəsi tamamlanmadan, ağrıları davam edərkən əlil arabasında yenidən döyüş bölgəsinə göndərilməsi planlaşdırılır.



“Rus dilini düzgün danışa bilməyən, tibbi göstəricilərinə görə xidmətindən azad olunmalı hərbi qulluqçu aldadılaraq döyüş təliminə və cəbhəyə göndərilib. O, tam sağalmamış və fiziki olaraq silah daşıya bilməz vəziyyətdədir”, – deyə hüquq-müdafiəçisi qeyd edir.



Müqaviləni imzaladığı zaman Bəndəliyev Azərbaycan vətəndaşı idi və kontraktı 27 dekabr 2025-ci ildə bitmişdi. Lakin mina partlayışından sonra ona Rusiya pasportu verilib. Hazırda hərbi hissənin komandiri yaralı əsgəri buraxmaqdan imtina edir.



Bu hadisə hərbi, tibbi və humanitar normativlərin pozulması kimi qiymətləndirilir. Ekspertlər bildirirlər ki, ağır yaralanmış və hərbi xidmətdən tibbi səbəblərlə azad olunmuş şəxsin cəbhəyə göndərilməsi Beynəlxalq Humanitar Hüququn prinsiplərinə ziddir, eyni zamanda Rusiyanın hərbi idarəçiliyində ciddi etik və hüquqi problemləri ortaya qoyur.



Hüquqi baxımdan, belə hallarda əsgərin vəkili və müstəqil müşahidəçilər vasitəsilə humanitar müdaxilə və tibbi azadlıq tələbləri irəli sürə bilər. Azərbaycanın və beynəlxalq hüquq müstəqil təşkilatları bu vəziyyəti nəzərdən keçirməli və yaralı hərbçinin hüquqlarının təmin olunmasına diqqət yetirməlidirlər.



Bəndəliyevin hal-hazırda hansı şəraitdə olduğu, onun təhlükəsizliyi və tibbi yardıma çıxışı ilə bağlı məlumatlar məhduddur, lakin bu fakt, döyüş bölgəsində yaralı və əlilliyi olan şəxslərin risk altında olduğunu göstərir.

Cavid, BakuPost