Heç bir tərəf geri addım atmır – Gələn həftə həlledici olacaq

Cenevrədə keçirilən ABŞ–İran nüvə danışıqları bu həftə nəticəsiz başa çatıb.

Bakupost.az xəbər verir ki, “İran International”a yaxın diplomatik mənbənin məlumatına görə, görüşlərin dayanmasının əsas səbəbi ABŞ-nin İranın nüvə zənginləşdirməsi ilə bağlı güzəştə getmək istəməməsidir. Vaşinqton Tehran tərəfindən zənginləşdirmənin dayandırılmasını tələb edib və bu tələbdən geri çəkilməyib.

Rəsmi üçüncü mərhələ danışıqları Oman vasitəçiliyi ilə Cenevrədə keçirilib və məqsəd İranın zənginləşdirilmiş uran istehsalına dair şərtlərdə ortaq məxrəc tapmaq olub. Lakin İran rəsmiləri bu tələbləri qəbuledilməz sayıb və zənginləşdirmə proqramını davam etdirməkdə israrlı olub. Diplomatik dairələr bildirir ki, ABŞ proqramın tam dayandırılması və zənginləşdirilmiş uranın ölkədən çıxarılmasını əsas şərt kimi saxlayıb. İran isə bu şərtləri qəbuledilməz hesab edərək danışıqlarda irəliləyişin mümkün olmadığını bəyan edib.

Müzakirələrdə digər məsələlər də gündəmə gəlib, lakin əsas fikir ayrılığı nüvə zənginləşdirilməsi ətrafında olub. İran bu proqramı milli suverenliyin ayrılmaz hissəsi hesab edir, ABŞ isə onun dayandırılmasını danışıqların mərkəzi tələbi kimi qoyub. Tərəflər razılaşıblar ki, texniki danışıqlar növbəti həftə Vyanada davam etdirilsin və BMT Atom Enerjisi Agentliyinin iştirakı ilə daha detallı müzakirələr aparılsın. Hazırda dialoq davam edir, amma əsas prinsip məsələsində ortaq məxrəc hələ tapılmayıb.

ABŞ sakitcə İraq müharibəsindən bəri ən böyük Yaxın Şərq hərbi qüvvəsini toplayıb – iki daşıyıcı zərbə qrupu 300 döyüş təyyarəsi və B-2 gizli bombardmançıları hücuma hazırlaşır. Trampın verəcəyi əmrə bir neçə gün qalıb.

Ağ Evdən bildirilib ki, İranın nüvə təklifi təqdim etmək üçün 48 saatı var, yoxsa danışıqlar pozulacaq. Sıfır uran zənginləşdirilməsi Trampın qırmızı xəttidir və istisna yoxdur.

Mənbələr bildirir ki, hər iki tərəf texniki olaraq hələlik danışıqlar aparır. Beynəlxalq Atom Enerjisi Agentliyi (MAGATE) martın 2-də İranla bağlı toplaşacaq. Trampın verdiyi son möhlət həmin həftəyə düşür. Bu, heç kimin geri qayıda bilməyəcəyi bir şeyə çevrilməzdən əvvəl inanılmaz dərəcədə dar bir pəncərədir.

Bu arada Hindistan, Avstraliya, İsveç vətəndaşlara İranı tərk etmələri umun çağırış edib.

Cavid, BakuPost