Jurnalistlərin “kupça”sı yaxın günlərdə veriləcək – Əmlak Komitəsi

Prezidentin bağışladığı mənzillər yaxın günlərdə “kupça” ilə təmin ediləcək.

Bu barədə BakuPost-a Əmlak Məsələləri Dövlət Komitəsinin mətbuat xidmətindən məlumat verilib. Bildirilib ki, qeydiyyat şəhadətnamələri səyyar mobil qeydiyyat xidməti çərçivəsində həmin binanın həyətində media nümayəndələrinə təqdim ediləcək:

“Ölkə rəhbəri Möhtərəm cənab Prezident İlham Əliyevin “Azərbaycan mətbuat işçilərinin sosial müdafiəsinin gücləndirilməsinə dair əlavə tədbirlər haqqında” 2013-cü il 22 iyul tarixli Sərəncamına əsasən jurnalistlər üçün inşa edilmiş və onların mülkiyyətinə verilmiş ikinci binada yerləşən mənzillərə dair Çıxarışlar Əmlak Məsələləri Dövlət Komitəsi tərəfindən yaxın günlərdə səyyar mobil qeydiyyat xidməti çərçivəsində həmin binanın həyətində media nümayəndələrinə təqdim ediləcəkdir”.