Karasin Avropanın sülhü necə pozduğunu açıqladı: Tramp manipulyasiya edilib...

Bakupost.az xəbər verir ki, bu sözləri Rusiya Federasiya Şurasının Beynəlxalq Əlaqələr Komitəsinin sədri Qriqori Karasin Teleqram kanalında yazıb.

O, Qərbin “qardaş xalqlar arasında müharibəni” bilərəkdən qızışdırdığını iddia edərək, bunu Mazepadan Banderaya qədər uzanan “tarixi xəyanətlərin” davamı kimi qiymətləndirib:

“Lakin bu oyun artıq həddindən artıq uzağa gedib. Bunu anlamaq vacibdir”, – Karasin vurğulayıb.

O, Ukraynada rus dilinə qarşı qadağanı misal gətirərək bildirib:

“Ukrayna əhalisinin demək olar ki, yarısı bu dildə danışır. Tarix belə qəddar barbarlığı tanımır!. İsraildə ərəb dili, ərəb ölkələrində isə ivrit qadağan olunmur".

Avropadakı hazırkı “militarist çaşqınlığı”nı Karasin “isterika” adlandırıb.

“Onlar özlərini antirus bataqlığına salıblar, ümid edirdilər ki, cəmiyyətimiz sanksiyalar və hərbi təhdidlər qarşısında dağılacaq. Amma bu baş vermədi. İndi “rusofobiya bataqlığından çıxmaq” Avropanın öz üzərinə düşür, lakin bunu üzlərinj itirmədən necə edəcəklərini bilmirlər".

Karasin ABŞ-la münasibətlərə də toxunaraq bildirib ki, Rusiya və Amerika liderlərinin Ankoricdəki görüşü atmosferi sağlamlaşdırıb.

Lakin onun sözlərinə görə, bundan sonra “aqressiv Avropa liderlərinin Trampla görüşləri artıb və ona yönəlmiş güclü təzyiqlər başlayıb.

“Avropa artıq aydın şəkildə sakitləşməli və ambisiyalar xəndəyindən necə çıxacağını düşünməlidir. Bu xəndək yalnız Ukrayna üçün deyil, ümumilikdə beynəlxalq sabitlik üçün də təhlükəlidir”, – deyə Karasin fikrini tamamlayıb.

Asena,

BakuPost.az