Bərdədə piyadanı avtomobil vuraraq öldürüb.
"Bakupost" Oxu.Az-a istinadla xəbər verir ki, hadisə Bərdə-Yevlax avtomobil yolunun Bərdə rayon Saatlı kənd ərazisindən keçən hissəsində qeydə alınıb.
Yolu qarşı tərəfə keçmək istəyən, 1994-cü il təvəllüdlü Fərid Qasımovu avtomobil vurub. Piyada aldığı xəsarətlərdən həlak olub.
Piyadanı avtomobillə vurmaqda şübhəli bilinən şəxs Aynur Həsənovadır.
Aynur Həsənova idarə etdiyi "Lexus" markalı avtomobillə piyadanı vuraraq onun ölümünə səbəb olmaqda şübhəli bilinir.
Faktla bağlı Cinayət Məcəlləsinin müvafiq maddəsi ilə cinayət işi başlanılıb, araşdırma aparılır.