“Hizbullah” hədəfləri vuruldu – İsrail İranla müharibəyə hazırlaşır

İsrail Müdafiə Qüvvələri Livanda terror hədəflərinə qarşı əməliyyatlarını gücləndirib.

Bakupost.az “The Jerusalem Post”a istinadən xəbər verir ki, bu artım İranla yeni müharibəyə hazırlıq çərçivəsində həyata keçirilir. Məlumata görə, son günlərdə İsrail ordusu tərəfindən “Hizbullah” və “İslami Cihad” təşkilatlarının məntəqələri, raket buraxıcıları və silah anbarları hədəf alınaraq zərərsizləşdirilib.

Fevral ayının əvvəlindən etibarən İsrail qüvvələri Livanda 12 terrorçunu – “Hizbullah” və “İslami Cihad” üzvlərini məhv edib. Bu əməliyyatlar təşkilatın İranla mümkün müharibədə iştirak etmək imkanını zəiflətmək məqsədini daşıyır.

İsrailin hərbi mənbələri bildirir ki, əməliyyatların əsas hədəfi yalnız silah anbarları və raket sistemləri deyil, həmçinin terror qruplarının İranın mümkün hərbi planlarına dəstək vermə qabiliyyətidir. Hər iki tərəf arasında gərginlik artmaqdadır və Livandakı əməliyyatlar İranla mümkün qarşıdurmaya hazırlıq kontekstində qiymətləndirilir.

Cavid, BakuPost