18:12 / 12 Sentyabr 2020

Məhkəmə Ziya Məmmədovun qardaşı oğlu ilə bağlı qərar verdi - FOTO

5500

Keçmiş Nəqliyyat naziri Ziya Məmmədovun qardaşı oğlu, sabiq deputat Elton Məmmədovun oğlu Aynar Məmmədov məhkəmədə Dövlət Yol Polisinə qalib gəlib.

"BakuPost" MediaPost-a istinadən xəbər verir ki, bir müddət əvvəl A.Məmmədov Dövlət Yol Polisi əməkdaşları tərəfindən protokol tərtib edilib və sürücülük hüququndan məhrum edilməsi üçün Səbail Rayon Məhkəməsinə müraciət edilib.

Məhkəmə A.Məmmədovun xeyrinə qərar verib.

Məsələ ilə bağlı açıqlama verən sabiq millət vəkili Elton Məmmədov oğlu Aynar Məmmədov sözügedən iş üzrə məhkəmədə qalib gəldiyini təsdiqləyib.

“Hüququ tam əsas verdi ki, oğlumun haqqında görülən tədbir əsassız olub” - deyə E.Məmmədov qeyd edib.

A.Məmmədovun 04.06.2018-ci ildən 04.06.2019-cu ilədək sürücü hüququ məhdudlaşdırılıb.

Qeyd edək ki, DYP tərəfindən A.Məmmədov İnzibati Xətalar Məcəlləsinin 333.1-ci (Nəqliyyat vasitəsini idarə etmək hüququ olan şəxs tərəfindən nəqliyyat vasitəsini alkoqoldan, narkotik vasitələrdən, psixotrop maddələrdən və ya güclü təsir göstərən digər maddələrdən istifadə olunması nəticəsində sərxoş vəziyyətdə idarə edilməsinə görə) maddəsi ilə ittiham olunmuşdu.