13:13 / 20 Oktyabr 2021

Milli Kitab Sərgisi Sumqayıtda da keçiriləcək

1360
4-6 noyabr tarixlərində Sumqayıtın “Kimyaçı” Mədəniyyət Sarayında (“Kimyaçılar” Sarayı) Milli Kitab Satış-Sərgisi keçiriləcək.

Bakupost.az xəbər verir ki, bu barədə tədbirin təşkilatçısı, Qanun Nəşrlər Evinin rəhbəri, naşir Şahbaz Xuduoğlu məlumat verib.

Onun sözlərinə görə, müstəqil nəşriyyatların iştirak edəcəyi satış-sərgi ümumiyyətlə incəsənət və ədəbiyyat şöləninə çevriləcək.

İmza günləri, müxtəlif panellər və görüşlərin nəzərdə tutulduğu sərgidə rəssamlar öz əl işlərinin də satışını təşkil edə biləcəklər.

Ayrı-ayrı müəlliflər öz kitablarının satışını və təqdimatını keçirə bilərlər.

Xatırladaq ki, bu, 1-10 oktyabr tarixlərində Əl Oyunları Sarayında keçirilən sərgidən sonra müstəqil nəşriyyatların təşkil etdiyi ikinci kitab sərgisidir.

Milli Kitab Satış-Sərgisinin Azərbaycanın başqa bölgələrində də keçirilməsi nəzərdə tutulur.
Bizi telegram-da izləyin
Bizi facebook-da izləyin
Bizi youtube-da izləyin

Şərhlər
Son xəbərlər
Çox oxunanlar
Son xəbərlər