Paşinyana 3 gün vaxt verildi

Ermənistan müxalifətinin bu gün paytaxt İrəvanda keçirdiyi mitinqin bəyənnaməsi oxunub.

"Bakupost.az" xəbər verir ki, müxalifət baş nazir Nikol Paşinyana istefaya getmək üçün dekabrın 8-ə qədər vaxt verib.

"Biz çərşənbə axşamı - 8 dekabr, saat 12:00-yə qədər vaxt veririk ki, Nikol Paşinyan öz komandası ilə bu məsələni müzakirə etsin və istefaya getsin. Əks təqdirdə Ermənistanın bütün ərazisidə vətəndaş itaətsizliyi aksiyalarına başlanacaq. Nikol, bu, sənin hökumət bağında son saatlarındır", - deyə "Daşnaksutyun"un rəsmisi İşxan Saqatelyan bu gün Paşinyanın iqamətgahı qarşısında keçirilən mitinqdə deyib.