“Qərb yarımkürəsi ABŞ-nin həyətidir” – Heqset hərbi əməliyyatı elan etdi

ABŞ Müdafiə Naziri Pit Heqset narkotik qaçaqmalçılarına qarşı “Cənub mizrağı” əməliyyatının başladığını açıqlayıb.

Bakupost.az xəbər verir ki, Heqset “X” sosial platforması hesabındakı paylaşımında, “Prezident Tramp əməliyyatın həyata keçirilməsi üçün göstəriş verdi və Müdafiə Nazirliyi bunu icra edir. “Cənub mizrağı” əməliyyatı bu gün elan edildi”, – deyib.

Müdafiə naziri əlavə edib ki, “əməliyyat vətənimizi müdafiə edəcək, narkotik terrorçularını Qərb yarımkürəsindən uzaq tutacaq və xalqımızı öldürən narkotiklərdən qoruyacaq. Qərb yarımkürəsi, ABŞ-nin həyətidir və biz onu qoruyacağıq”, – deyə Heqset açıqlamasına vurğulayıb.