Rəqsanənin əri ilə birgə çəkildiyi klip – Həbsdən sonra ilk paylaşım – VİDEO

On gün əvvəl azadlığa çıxan müğənni Rəqsanə İsmayılova “İnstagram” hesabında yeni klipinin görüntülərini paylaşıb.

Bakupost.az xəbər verir ki, klipdə müğənninin həyat yoldaşı Fazil Əmiraslanov da yer alıb. Fazil Əmiraslanov “Elə darıxmışam ki” adlı mahnıya çəkilən klipdə pilot rolundadır. Klipin yayımlandığı tarix bildirilməyib.

Bu Rəqsanənin həbsdən sonra ilk paylaşımdır. Belə ki, ifaçı hekayə bölümündə məlumatlar qeyd etsə də, ana səhifəni həbs edildiyi gündən (avqust) bəri yeniləmirdi.

Qeyd edək ki, R.İsmayılova bir nəfərə yalan vəd verərək 520 min dollarını və 30 min manatlıq qızıl-zinət əşyalarını ələ keçirməklə ittiham olunurdu. Eyni zamanda Fazil Əmiraslanov da cinayət məsuliyyətinə cəlb edilərək barəsində “polisin nəzarəti altına vermə” qətimkan tədbiri seçilmişdi.

Sosial şəbəkələrdə yayılan bəzi iddialarda müğənninin həyat yoldaşından ayrıldığı deyilirdi. Buna səbəb müğənninin azadlığa çıxdığı gün Fazil Əmiraslanovun onun yanında görünməməsi olub.