Rusiya çökür, iqtisadiyyatı güclənən Ukrayna isə silah ixracına başlayır - Bu baş verir?

Bakupost.az xəbər verir ki, bunu politoloq Kamran Cəfərov qeyd edib.

O, 24 sentyabrda Rusiya Maliyyə Nazirliyinin ƏDV-nin 20%-dən 22%-ə qədər qaldıracağını elan etdiyinə diqqət çəkib:

"Bu qərar bütün sahələri əhatə edəcək və nəticə etibarı ilə mağazadaki bütün mallardan tutmuş, bütün xidmətlərə qədər bahalaşacaq. Əgər bu günə qədər Rusiya müharibə nəticəsində büdcədə yaranan defisiti Milli Rifah Fondundan(bu fonda uzun illər ərzində neft-qaz satışından əlavə qalan pullar yığılırdı) bağlaya bilirdisə, indi artıq bunu edə bilmir və ƏDV-ni qaldırmaq məcburiyyətindədir. ƏDV-nin 2%-ə qaldırılması Rusiya büdcəsinə əlavə, təxminən 12.5 milyard dollar gətirəcək. Rusiya iqtisadiyyatının durumu o yerdədir ki, cəmi 12.5 milyard dollara görə ƏDV-ni qaldırmağa məcburdurlar".

Politoloq Ukrayna iqtisadiyyatındakı vəziyyətə də toxunub:

"Uzun rəqəmlərə və statistikaya ehtiyac yoxdur, bircə fakt gətirəcəm. Sentyabr ayında avqust ayı ilə nisbətdə qızıl-valyuta rezervləri 7% artdı. 2022 illə nisbətdə isə 50%-dən çox artdı. Necədir sizə? O boyda işğala, təcavüzə məruz qalan ölkənin iqtisadiyyatı nəinki çökmədi, hətta aydan-aya rezervləri artır - təbii ki, Qərb müttəfiqlərin sayəsində".

Ukraynanın hərb sahəsinə münasibət bildirən politoloq olduqca önəmli bir məqama diqqət çəkib:

"Yəqin heç kimin yadından çıxmadı: Zelenski necə gecə-gündüz Qərb ölkələrindən silahlar istəyirdi. Rusiya propaqandası Zelenskini "dilənçi" adlandırırdı. Təbii ki, müharibə gedişində Qərbin Ukraynaya silah yardımlarından əlavə silah istehsalı zavodları tikilirdi, texnologiyalar verilirdi, ən aparıcı mütəxəssilər gətirilirdi və s. Bunu bilirik, bu barədə çox yazmışıq.

Nəticə etibarı ilə...

İndi isə maraqlı xəbərə gələk. 29 sentyabrda Ukraynada silah İXRACI strategiyası təqdim olunacaq. Yəni, Ukrayna artıq dünyaya, özünə lazım olmayan silahların satışına başlayır. Bilirsiniz əsasən hansı silahlardan söhbət gedir? Sualtı dronlardan və tank əleyhinə silahlardan. Niyə tank əleyhinə silahlar USQ tərəfindən az istifadə olunur? Rusiyada qalan tankların sayına baxanda bu sual ritorik kimi səslənir.

İndi təsəvvür edin ki, 4 ilə yaxın o boyda təcavüzə məruz qalan ölkə artıq silah ixracına başlayır. Bu fakt nədən xəbər verir?

Tendensiyalara fikir verin".