“AT&T” və “AST SpaceMobile” şirkətləri adi smartfonların baza stansiyasından peyk şəbəkəsinə bağlantını kəsmədən keçidini uğurla sınaqdan keçiriblər.
“Bakupost” xəbər verir ki, ABŞ-nin Vaşinqton ştatında keçirilən sınaqda “Ericsson” və “Nokia” da texnoloji dəstək göstərib.
Texnologiyanın məqsədi istifadəçi baza stansiyasının əhatə dairəsindən çıxdıqda telefon danışığının və internet bağlantısının kəsilməsinin qarşısını almaqdır. Şəbəkələr arasında keçidin millisaniyələr ərzində baş verməsi hədəflənir.
Sistemin kənd yerlərində, uzun avtomobil yollarında və təbii fəlakətlər zamanı rabitə əlaqəsinin qorunmasına kömək edəcəyi gözlənilir. Geniş kommersiya istifadəsindən əvvəl əlavə sınaqlar keçiriləcək.
Vüsalə Hüseynova,
BakuPost
MEDİA 
