DTX jurnalist Vüqar Məmmədovu saxladı - “Hurriyyət”dən AÇIQLAMA+ YENİLƏNİB

Bakupost.az -ın əldə etdiyi məlumata görə, əməliyyat zamanı "Hürriyyət" qəzeti, eyniadlı Hurriyyet.az saytı və "Hurriyyet TV"-nin baş redaktoru Vüqar Məmmədov saxlanılıb.

Qeyd olunur ki, həmçinin "Hurriyyet TV"-nin ofisində axtarış aparılıb, kompüter və bəzi sənədlər götürülüb.

Bu əməliyyatın Ramiz Mehdiyev olayı ilə bağlı ola biləcəyi ehtimal olunur.

***

Bakupost.az-ın əldə etdiyi məlumata görə, əməliyyat nəticəsində “Hürriyyət” qəzetinin və “Hürriyyət TV”nin baş redaktoru Vüqar Məmmədov saxlanılıb.

Əməliyyat zamanı redaksiyanın ofisində axtarış aparıldığı bildirilir.

Bundan başqa, Azərbaycan Demokrat Partiyasının qərargahında yerləşən “Futbol+” qəzetinin redaksiyasında hüquq-mühafizə orqanları tərəfindən əməliyyat keçirilib.

Əməliyyat zamanı qəzetin baş redaktoru Mahir Rüstəmli saxlanılıb.

Hadisə ilə bağlı əlavə məlumat veriləcək.

***

Saytdan bildirilib ki, əməliyyat 29 oktyabr 2025-ci il tarixində, axşam saaat 18:00 radələrində keçirilib. Qeyd edilib ki, V.Məmmədov saxlanılıb, ofisdə axtarış aparılıb və “Hurriyyet TV”-yə məxsus avadanlıqlar götürülüb.

Təxminən eyni saatlarda Baş redaktorun Nizami rayonunda kirayə yaşadığı mənzilində də axtarış aparılıb və mənzildən heç bir sənəd və ya əşya götürülməyib:

Vüqar Məmmədovun yaşadığı evdə və “Hurriyyet TV”-nin ofisində aparılan axtarış DTX-nın müraciəti əsasında 29 oktyabr 2025-ci il tarixində Səbail Rayon Məhkəməsinin çıxardığı qərara əsasən aparılıb. Qeyd edək ki, Baş redaktorun hansı səbəbdən saxlanıldığı haqda hələ heç bir rəsmi və ya qeyri-rəsmi ittiham yoxdur".

“Hürriyyət”dən bildirilib ki, V.Məmmədovun saxlanılmasının “Ramiz Mehdiyev işi” ilə əlaqələndirməsi doğru deyil.