"Yura Unitaz" ləqəbli alverçi Rusiyanın pilotsuz sistemlər qüvvəsinə rəhbər gətirildi

Bakupost.az xəbər verir ki, bu barədə məlumatı BBC Rusca öz mənbələrinə istinadən yayıb.

BBC-yə danışan mənbələr Vaqanovun hərbçilər arasında “Yura Unitaz” ləqəbiylə tanındığını deyiblər. O, Ukrayna müharibəsi başlayana qədər santexnika ticarəti ilə məşğul olub.

“Bu adamın təkcə hərbi təhsili yoxdur... Xüsusi Hərbi Əməliyyat başlayana qədər o, santexnika ticarəti edib və “unitaz” ləqəbini oradan götürüb. Daha sonra isə FPV-lərin (dron) Rusiya ordusuna tədarükü məsələsində monopolist olub” - deyə rusiyalı blogger Maksim Klimov deyib.

2023-cü ildə Sudoplatov batalyonunun bazasında böyük pilotsuz aparatlar müəssisəsi yaradılıb. Məhz bu batalyon FPV dronlarının ən böyük istehsalçısı sayılıb.

Vaqanov bir çox bloggerlər tərəfindən 24 rusiyalı hərbçinin ölümündə ittiham edilir. Lakin özünün bu iddialara münasibəti bəlli deyil.

Hələlik Rusiya Müdafiə Nazirliyi təyinatı rəsmi şəkildə təsdiqləməyib. Lakin bundan öncə o, müdafiə nazirinin silahlanma üzrə müavininin müşaviri təyin edilib.