Ru
14:12 / 19 İyul 2020

190 manatı ala bilməyən Bakı sakininin problemi həll edildi - VİDEO

5075
190 manatlıq birdəfəlik ödəmə ala bilməyən Bakı şəhər sakini Natəvan Xəlilovanın şikayəti araşdırılıb və həll olunub.

Bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsinin müdiri Fazil Talıbov bildirib:

“Bakı şəhəri Binəqədi rayon sakini Natəvan Xəlilovanın guya Əmək və Əhalinin Sosial Müdafiəsi Nazirliyi tərəfindən işə göndəriş verilməsi, bir günlük əmək müqaviləsi bağlanılması və bunun birdəfəlik ödəmə almasını məhdudlaşdırılması məqsədilə edildiyi barədə şikayəti nazirlik tərəfindən dərhal araşdırılıb. Əmək müqaviləsi bildirişi altsistemi vasitəsilə aparılan araşdırma zamanı məlum olub ki, Natəvan Xəlilova ilə fiziki şəxs Həbibov Mehman Cabir oğlu (qeydiyyat ünvanı Quba) arasında 16.05.2020 tarixdə əmək müqaviləsi imzalanıb (məşğulluq təsnifatı – təkər düzəldən) və elə həmin tarixdə də müqaviləyə xitam verilib.

İşəgötürənlə bu barədə söhbətdə bundan xəbərsiz olduğunu, mühasibi tərəfindən qanunsuz hərəkət edildiyini qeyd edib.

Natəvan Xəlilovaya məsələ ilə bağlı ətraflı məlumat verilib. Nazirlik tərəfindən vətəndaşın adına hər hansı bir iş üçün göndəriş verilmədiyi və əmək müqaviləsi imzalanmadığı izah edilib.

O, məsələyə operativ reaksiya verdiyinə görə Nazirliyə təşəkkürünü bildirib.

Nazirlik bu məsələyə hüquqi qiymət verilməsi məqsədilə hüquq mühafizə orqanlarına müraciət edib”.
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər