2036-cı ildə uğurlu iqtisadiyyat hansı göstəricilərlə ölçüləcək? - Açıqlandı

Bakupost.az xəbər verir ki, bu sözləri energetika nazirinin müavini Elnur Soltanov “Dayanıqlılıq və enerji transformasiyası” mövzusunda “Technovation” forumunda çıxışı zamanı bildirib.

"SOCAR hazırda Azərbaycanda olduğu kimi Gürcüstanda, Türkiyədə və Avropanın bir sıra ölkələrində, o cümlədən İtaliyada da fəaliyyət göstərir və müxtəlif dəyər zəncirlərinə inteqrasiya olunub.

Ən önəmlisi isə odur ki, şirkət tədricən yalnız məhsul və resurs ixrac edən bir qurumdan, eyni zamanda bilik və bacarıq ixrac edən şirkətə çevrilir. Bu, iqtisadi inkişaf baxımından çox mühüm bir mərhələdir.

Mən hesab edirəm ki, iqtisadi inkişafın əsas göstəricilərindən biri də ölkənin insan kapitalında mövcud olan bacarıqları nə dərəcədə formalaşdıra və beynəlxalq səviyyəyə ixrac edə bilməsidir.

Bu baxımdan SOCAR-ın inkişafı mühüm nümunədir.

Əsas sual budur: biz necə bir iqtisadiyyat yaratmaq istəyirik və bu məqsədə necə nail olacağıq?

Əgər 10–15 il sonrasına baxsaq, məsələn 2036-cı ilə, hansı göstəricilər bizə göstərəcək ki, iqtisadi inkişaf strategiyamız uğurlu olub? Hansı nəticələr bizi inandıracaq ki, biz həqiqətən dayanıqlı, rəqabətqabiliyyətli və güclü iqtisadiyyat qurmuşuq?".