ABŞ İrana zərbə endirməyə hazırdır – Tramp hələ son qərarını verməyib – FOTO – VİDEO

ABŞ hərbi qüvvələri İrana bu həftə sonuna qədər zərbə endirməyə hazırdır, lakin Prezident Donald Tramp hələ bu hərəkəti təsdiqləməyib.

Bakupost.az xəbər verir ki, CNN-ə bu barədə məlumatı işin içində olan mənbələr açıqlayıb.

Mənbələrin bildirdiyinə görə, Ağ Evə hərbi hazırlığın həftə sonuna qədər başa çatacaq. Son günlərdə Orta Şərqdə hava və dəniz qüvvələrinin əhəmiyyətli şəkildə artırıldığı vurğulanır. Bununla belə, mənbələr qeyd edir ki, Tramp şəxsi qərar vermədən əvvəl hər iki variantı – həm hərbi əməliyyatı, həm də diplomatik yanaşmanı – nəzərdən keçirir və müşavir və müttəfiqləri ilə məsləhətləşir.



Dünən Ağ Evin əməliyyatlar kabinetində milli təhlükəsizlik üzrə yüksək vəzifəli şəxslərin İrandakı vəziyyəti müzakirə etdiyi bildirilib. Tramp, həmçinin xüsusi elçi Stiv Vitkoff və kürəkəni Cared Kuşnerdən iki gün əvvəl keçirilmiş danışıqlar barədə məlumat alıb. Mənbələr həftə sonuna qədər prezidentin qərar verib-verməyəcəyinin məlum olmadığını deyib.

Ağ Ev mətbuat katibi Karolin Livitt dünən bildirib ki, İrandan danışıqlarda mövqelərini dəqiqləşdirmək üçün növbəti bir neçə həftə ərzində əlavə məlumatlar gözlənilir. Lakin sözçü Trampın həmin müddətdə hərbi əməliyyata başlamaq niyyətində olub-olmadığını açıqlamayıb. ABŞ Dövlət Katibi Marko Rubionun isə fevralın 28-də İsrailə səfər edərək Baş Nazir Binyamin Netanyahunun danışıqlar barədə məlumatlandıracağı bildirilib.



Livitt əlavə edib ki, Tramp üçün diplomatiya həmişə birinci seçimdir, lakin hərbi əməliyyat hələ də gündəmdədir. O, həmçinin bildirib ki, prezidentin qərar verməsində milli təhlükəsizlik komandası ilə məsləhətləşməsi önəmlidir.

ABŞ hərbi qüvvələrinin hazır vəziyyəti

“CBS News”ə görə, ABŞ hərbi qüvvələri həftə sonuna qədər əməliyyata hazırdır. ABŞ Hərbi Dəniz Qüvvələrinin ən inkişaf etmiş təyyarədaşıyıcısı qrupundan “USS Gerald R. Ford” regiona bu həftə sonuna qədər gələ bilər. Həmçinin Böyük Britaniyada yerləşən Hərbi Hava Qüvvələrinin tanker və döyüş təyyarələri Orta Şərqə yaxınlaşdırılır.

Hərbi mövqelər və döyüş texnikaları

Yanvarın 22-dən etibarən təyyarələr mövqeyə gətirilib.

1. “Kreta”, Yunanıstan

“RC-135V” (Kəşfiyyat təyyarəsi)

2. “Awali”, Bəhreyn

“P-8A Poseidon” (Kəşfiyyat təyyarəsi)


3. “Əzraq”, İordaniya

• “F-15 Eagle” (Çoxməqsədli döyüş təyyarəsi)
• “E/A-18G Growler” (Elektron müharibə təyyarəsi)
• “A-10 Warthog” (Hücum təyyarəsi)

4.     “Əl Dhafrah”, BƏƏ

• “MQ-4C Triton” (Yüksək hündürlükdə, uzun müddət uçan pilotsuz təyyarə)


5. “Əl Xarc”, Səudiyyə Ərəbistanı

• “E-11A BACN” (Müharibə sahəsi rabitə təyyarəsi)
• “F-16 Fighting Falcon” (Çoxməqsədli döyüş təyyarəsi)
• “P-8A Poseidon” (Kəşfiyyat təyyarəsi)
• “E-3” (Erkən xəbərdarlıq və rabitə təyyarəsi)

Dəniz qüvvələri

A.    Qırmızı dəniz

• “USS Delbert D. Black” (Qırıcı gəmi)

B. Fars körfəzi

• “USS Tulsa” (Sahil döyüş gəmisi)
• “USS Canberra” (Sahil döyüş gəmisi)

D.    Hörmüz boğazı

• “USS Mitscher” (Qırıcı gəmi)
• “USS Santa Barbara” (Sahil döyüş gəmisi)
• “USS Michael Murphy” (Qırıcı gəmi)

C.    Şimal Ərəb dənizi

“Lincoln” aviadaşıyıcı qrup:
• “USS Abraham Lincoln” (Təyyarədaşıyan gəmi)
• “USS Frank E. Petersen Jr.” (Qırıcı gəmi)
• “USS Spruance” (Qırıcı gəmi)
• “USS McFaul” (Qırıcı gəmi)
• “USS Pinckney” (Qırıcı gəmi)
• “F/A-18E Super Hornet” (Çoxməqsədli döyüş təyyarəsi)
• “EA-18G Growler” (Elektron müharibə təyyarəsi)
• “E-2 Hawkeye” (Erkən xəbərdarlıq və nəzarət təyyarəsi)
• “MH-60S Sea Hawk” (Dəniz helikopteri)
• “MH-60R Sea Hawk” (Dəniz helikopteri)
• “F-35C Lightning II” (Döyüş təyyarəsi)

E.    Regiona istiqamətlənən donanma

“Ford” aviadaşıyıcı qrupu:
• “USS Gerald R. Ford” (Təyyarədaşıyan gəmi)
• “USS Bainbridge” (Qırıcı gəmi)
• “USS Mahan” (Qırıcı gəmi)
• “USS Winston S. Churchill” (Qırıcı gəmi)
• “F/A-18E Super Hornet” (Çoxməqsədli döyüş təyyarəsi)
• “EA-18G Growler” (Elektron müharibə təyyarəsi)
• “E-2 Hawkeye” (Erkən xəbərdarlıq və nəzarət təyyarəsi)
• “MH-60S Sea Hawk” (Dəniz helikopteri)
• “MH-60R Sea Hawk” (Dəniz helikopteri)
• “C-2A Greyhound” (Yük təyyarəsi)

İranın hərbi hazırlığı

İran da öz növbəsində nüvə obyektlərini gücləndirir və açıq sahələrdəki mühüm obyektləri beton və torpaqla örtür. Tehran mümkün hərbi əməliyyat fonunda obyektlərin qorunmasını gücləndirir. Bu barədə “Institute for Science and International Security” yeni peyk görüntüləri və təhlillər əsasında məlumat verib.

Əməliyyatın vaxtına təsir edə biləcək bir neçə əsas məqam var:

Qış Olimpiya Oyunları bazar günü başa çatır. bəzi Avropa rəsmiləri oyunlar bitməmiş əməliyyatın olmayacağını düşünür.

Ramazan ayı dünən başlayıb. Orta Şərqdə ABŞ müttəfiqləri əməliyyatın bu müqəddəs ayda baş verməməsini istəyir. Çünki bu regional destabilizasiya və hörmətsizlik kimi qəbul oluna bilər.

Trampın illik məruzə və dövlət ünvanı çıxışı gələn həftəyə planlaşdırılıb. Bu çıxış ABŞ Prezidentinin daxili siyasət mesajını daşıya bilər.

Tramp son həftələrdə İrana qarşı böyük hərbi əməliyyat üçün ictimaiyyət və Konqresin dəstəyini qazanmağa çalışmayıb. O, rejim dəyişikliyi istədiyini və İranın nüvə silahı əldə etməsinə imkan verməyəcəyini bildirib, lakin əməliyyatın konkret məqsədini açıqlamayıb.

Qeyd edək ki, bizim təxminlərimizə görə, hücum cümə günü mart ayının 13-də baş verəcək.

Cavid, BakuPost