Ali Məhkəmədə Tofiq Yaqublunun işi üzrə iclas oldu

Bakupost.az yenisabah-a istinadla xəbər verir ki, prosesə hakim İlqar Qılıcov rəhbərlik edib.

Lakin yekun qərar elan olunmayıb.

Hakim bildirib ki, müşavirə üçün vaxt lazımdır. Ona görə də məhkəmənin növbəti iclasının vaxtı qarşıdakı günlərdə təyin ediləcək.

Xatırladaq ki, Tofiq Yaqublu Cinayət Məcəlləsinin 178.3.2-ci (dələduzluq - külli miqdarda ziyan vurmaqla törədildikdə), 320-ci (rəsmi sənədləri, dövlət təltiflərini, möhürləri, ştampları, blankları saxtalaşdırma, qanunsuz hazırlama, satma və ya saxta sənədlərdən istifadə etmə), 320.1-ci (Hüquq verən və ya vəzifədən azad edən vəsiqəni və ya digər rəsmi sənədi istifadə etmək məqsədi ilə saxtalaşdırma və ya qanunsuz hazırlama, yaxud bu cür sənədi satma, habelə eyni məqsədlə Azərbaycan Respublikasının saxta dövlət təltifini, ştampı, möhürü, blankı hazırlama və ya satma) və 320.2-ci (Bu Məcəllənin 320.1-ci maddəsində göstərilmiş bilə-bilə saxta sənədlərdən istifadə etmə) maddələri ilə ittiham edilib.

O, Bakı Ağır Cinayətlər Məhkəməsinin hökmü ilə 9 il müddətinə azadlıqdan məhrum olunub.

Bakı Apellyasiya Məhkəməsi hökmü qüvvədə saxlayıb.