Bakıda qoca kişini döyən şəxs saxlanıldı - Yenilənib-VİDEO

Bakupost.az xəbər verir ki, hadisə Nəsimi rayonu, Möhsün Sənani, 106 ünvanında baş verib.

Axşam saatlarında baş verən hadisənin səbəbləri bilinmir.

Görüntülərdən aydın olur ki, yaşca nisbətən cavan olan şəxs yanındakı iki qadınla birlikdə yaşlı kişi ilə mübahisə edirlər. Daha sonra o, yaşlı adama yumruq və təpiklə zərbələr endirir. Bir qədər sonra qadınlardan biri də ona qoşulur və həmin kişini yumruqlamağa başlayır. Bundan "lhamlanan" kişi qocaya daha möhkəm zərbələr endirir. Onun qonşu binadan hadisəni müşahidə edənlərə xitabən "Bunlar hamısı işverənlərdir" dediyi də diqqətdən yayınmır.

Qonşulardan biri hadisəyə müdaxilə edib, onları aralamğa çalışsa da, onun bu cəhdi nəticəsiz qalır. Yalnız hadisə yerinə polis əməkdaşları gəldikdən sonra yaşlı kişini döyənlər hadisə yerindən uzaqlaşırlar.

Araşdırma zamanı müəyyən olunub ki, vətəndaş E.Əlizadəni döyən şəxs paytaxt sakini olan 1985-ci il təvəllüdlü Rəhmanov Valeh Əkbər oğludur.

V.Rəhmanov PŞ-yə gətirilərək izahatı alınıb.

Hadisə ilə bağlı araşdırmalar davam etdirilir.