Dünyanın ən çirkli adamı 94 yaşında öldü - FOTO

Bakupost.az İranın rəsmi agentliyi İRNA-a istinadla xəbər verir ki, Fars əyalətinin Farsbənd rayonunun Decgah kəndində “Hacı dayı” ləqəbli qoca xəstələnmək qorxusundan 50 ildən artıqdır ki çimmirmiş.

Bir neçə il əvvəl kəndin gəncləri qocanı hamama aparmaq istəsələr də, buna nail ola bilməyiblər. Deyilənə görə, qoca başqa vaxt yuyulmaq üçün yaxınlıqdakı dərəyə aparıldığını anlayanda maşından düşüb qaçıb.

Xəstələnməkdən qorxduğu üçün çimməkdən qaçan qocanı illər sonra kənd sakinləri ilk dəfə çimizdiriblər. Lakin bir neçə ay sonra 94 yaşlı kişi xəstələnərək dünyasını dəyişib.

Kənd camaatının tikdiyi qapısı olmayan talvarda qalan qocan zibillikdən yığdığı yeməklə dolansa da, illərdir heç bir xəstəlikdən əziyyət çəkmədiyi iddia edilib.